同事的台灣手信

我地公司的清潔阿姐剛剛去完台灣旅行,買了D手信比我地!(嘩!!好特別呀!!)
有M巾,Dom Dom,大奶同何B仔........原來是朱古力和棉花糖o黎嫁!
攪到我都想結婚時放假去台灣兜個轉,之後先再去蜜月旅行!
我同Anthony諗住結婚後租一個月酒店住,但如果月租酒店同台灣旅行的$差不多
不如........我地去台灣啦.好唔好?? (我細佬話想新年去)

未整理完的模型櫃

今日早上同Anthony去了做"婚前檢查",
之後就去唱K唱到由11:00pm唱到1:00pm
再去了屯門市廣場行了一陣就去Anthony屋企(晚上去佢屋企食飯)
但又無乜野做喎,咪整理下個模型櫃(雖然最總都未整理好)
都比各位睇睇先啦~~

素食-勁正!!

今日Anthony約了D朋友去食飯,而其中一個friend是食素的.所以我提意去
雅蘭中心的"常悅素食"到食飯!我地食左:
 魚生刺身

,乳豬拼福卷,

東坡肉,

奶油津白,一窩翅

D食物真係好正,好似真係食緊真的一樣,仲好有魚味同肉味呢!!
最後仲送了個紅豆沙添!!雖然環境一般但真是一定要去試試!!
(D相在Anthony到,later再post D相上來)

去了買結婚戒指了!!

今日出去荃灣買結婚戒指啦!!初初去了PINK BOX & Mabelle睇,最後決定去Pink Box買
"King & Queen"系列,連Anthony都覺得D戒指幾特別同幾好!!
Later取了結婚戒指再post相比各位睇啦~~

剛剛睇完蕙蘭+黎明演唱會

剛剛睇完蕙蘭+黎明演唱會,今日8:00pm去到九龍展貿等入場.

入到去我地是坐第三行呀(但就坐中間過少少,都ok的)

個演唱會都ok啦!!唱到10:10pm就完了,比較短少少.....

而我男友部相機影夜景比較差,所以影出來D相都比較朦!!

今日去了結婚展.....

今日去了結紗展book了好多野呀!!!
大約2:30pm到會展.成16:30pm到走!
首先去了伊甸園book註冊(尖沙咀新世界中心)但點知想要的時間已比人book了
只餘下14:40pm/16:00pm,經過考慮後決定book14:40pm-15:00pm
(送多2pcs$138灣仔伊甸園coupon)
之後就走了去買美心餅咭(100pcs,送多7pcs+$100蛋糕coupon)
及去了AVIS租了MINI COOPER(租一日)做花車(自駕)
但因我男友之前都無駕開車,所以屋企人都有D反對比佢駕車.....
話到時不如叫D親戚做司機喎!!(到時先算啦!)
總之今日大出血,洗了成$7000~~

今日生日又大一歲啦~~

今日生日又大一歲啦~~一早返公司就收到Carman的禮物
(多謝你呀Carman)

之後下午又收到阿Kent電話祝我生日快樂!!
(但聽佢講今日唔舒適,多D休息啦)


放工又要趕住返普通話,放學後Anthony接我收工,收到佢送的IPod收音機 & Playboy粉紅色袋袋
好靚呀!多謝)

之後佢好神秘咁帶我去食飯,原來佢帶我去美麗華酒店食燕窩自助餐,食到好飽勁大肚腩
(都唔知之後要食少幾多餐個肚腩先細返)
但今日真係好開心呀!!

今早見返個成年無見的同學仔

今日一早等升降機落街搭車,一開升降機門就見到我的同事,之後咪一起去坐車返工啦!
之後在公司樓下等升降機時見到個女仔好似好熟口面喎!原本是之前在IVE(夜校)讀診所助護的同學仔呀!!
 我地二個人勁開心!!估唔到佢會轉左工入到赤立角做野,我仲約了好星期三食Lunch呢!!
今日買了本"忽然一周"有一頁是PING BOX廣告,有張coupon
有效期是31/7/2006
如果買結婚介指有七五折呀!!遲D去睇睇先~~

......無特別

今日都是好似平時咁,不斷打單,對單.....做到好鬼死悶!!!
今日晚上我就勁傻仔呀!!!咁今晚食完飯食生果啦~(有車厘子,西瓜)
咁我食西瓜時就拖個垃圾桶去梳化個邊食啦,食完咪將個西瓜拋落垃圾桶
之後咪諗住用腳將個垃圾桶拖走.......點知

隻腳一推個垃圾桶,成個垃圾桶就倒了落地,部份垃圾就在地上,
我的家人立即就發出 : "E~~~~"

我自己就坐在地上傻笑,而我阿媽就幫我清理案發現場了!
而我在考慮緊讀完普通話去唔去學車好??都是等8月睇下IVE收唔收我讀A/C先再算.

婚紗店試衫

我上星期日都去了婚紗店試衫for結婚個日,但......

其實之前我是在元朗一間婚紗店租衫的,但前幾個月打來話唔做啦
叫我地:

1.取走2件衫
2.因老闆除了元朗仲有一間鋪係佐敦,可安排我們轉去佐敦租
咁我咪轉去佐敦啦!!!

昨日就同Anthony,伴娘去(only我+伴娘試衫).由4:00pm試到7:30pm
雖然佢地冇人會serve你換衫,但調番轉來講就十分自由,你可以試晒成間鋪的衫都得 (我找伴娘幫我換衫的)
租衫5日4夜
fitting 前 (大概婚期前2星期度 la) 可以無限轉款唔加 $$

好啦!到hold衫時就話因之前元朗個間唔係佢地公司的,只是個朋友做唔住,
而唔想你地無衫租將你地D單轉過來,之前你們比佢地公司的$我地都無收過.
而我們要hold衫一定要比左個尾數先比我地hold衫,如果唔係都幫唔到我們.
又或者叫我地自己找個邊個老闆,但佢話佢自己都找唔到個friend仲話個friend
欠佢10件衫未比返佢.....

咁即是迫住要我地比尾數hold衫,好在個plan唔係好貴.($23xx 7套衫)

我勁鍾意件宮廷婚紗呀~~~勁靚!!所以只好比了尾數佢啦!!
但我男友擔心都唔知會唔會later又到這間話唔做closed.... (你知啦12/2006仲有成半年)

而Anthony又唔鍾意個到D男禮,叫佢去出面租又唔肯,話唔想浪費$$
所以今日都無乜心機.......

她跟返之前個plan的offer比我,但之前比了$1500,昨日要比尾數$8xx