男朋友同我求婚啦~~

今日Anthony生日同佢去左尖沙咀萬麗酒店食自助餐!
而我就送左隻"NDS 的GAME"比佢做生日禮物.
食到最後Anthony就同我求婚,仲送左個皇冠鏈咀比我(Anthony自己去買嫁)
(其實我Like皇冠ring,但因我隻手太幼戴左唔好睇,所以Anthony唔買介指比我)
但就無乜驚喜啦!(因佢都唔係個類Style的人)
不過都好開心......

收到準考証

今日我家人去了澳門一日遊,無人同我食飯!好在Anthony放左工出左去荃灣找我食飯.
之後去左元氣壽司到食,食左成17碟野用左$252(勁恐怖)
連上次去食的印加起夠10個啦!可以換返張新的元氣卡.
剛剛又收到中文大學記來的普通話考試的準考証.
2/12考5:00pm!最近都無乜點溫書,都唔知點算好!!要努力D溫書先得呀!!

已選左回禮禮物了!!(同我地隻戒指有關)

今日個傢私師父去了我男友家度位!!度左又話夠位喎~真好唔洗煩!
但另一問題又發生了!我男友家個沙發側邊有少少位多左出來,佢阿媽同個師父講叫佢度位
做多個2門衣柜比佢在個廳到放野!(嘩!佢阿媽間房已經有1個4門大衣櫃 + 1個5通櫃)
佢無野呀!!咁多櫃都唔夠仲要做多個櫃比佢!真係有D唔開心!
另今日已經決定了送什麼回禮禮物,現在網上訂緊!(同我的結婚戒指有d關係的)
大家估下啦!!