Pages

2006年12月29日 星期五

掛衫趣事

(此編趣事由angela老公擇寫)


今日係婚後第一次洗衫, 趣事又出現啦!
(其實我一d都唔覺得好笑, 全程得我老婆自己一個係到笑)

洗完衫之後緊係要浪衫啦, 平時都係又啊爸做多, 所以都唔知浪衫又咩問題或者特別, 點知一開始特別事就開始啦, 個浪衫架dirty都你唔信 - 油淋淋的,我即時"依"了一聲, 跟住更奇怪的事就出現了, 就係我老婆不斷咁笑,都唔知笑咩, 跟住我講了一句"怪得知我成日覺得自己個shoulder咁污穢啦, 跟住佢仲笑得勁, 笑到我啊媽都入左黎睇下發生咩事, 最後就係一編歡笑聲中完成了我們第一次的浪衫!

2006年12月28日 星期四

順利完成婚禮啦!Yeah~~~

26/12日順利完成婚禮啦!當日雖然好忙好累,但真係好開心,好難忘!!
當日每樣野都配合得好好!!

 (例如 : 司機,化妝師好準時好有禮貌, 而時間亦跟到我們set的時間表進行)
最開心是化妝師化的妝個個都話正,連行過的小朋友都話我靚呢
我們預左個擺酒個圍數剛剛好,無多無少
我亦都好感謝各位兄弟姊妹的幫助,無你地今次的婚禮亦都無咁順利

特別要多謝伴娘,當日佢都無乜點食到野連休息的時間都無
各位姊妹放心!!Later再請你地食餐勁!!
因現未取回婚禮photo.Later我會將個婚禮詳細個程post到 "婚禮全面睇" (各位要留意啦~)
結婚當日11:30pm從酒樓離開到酒店!之後又要落妝洗頭....
都攪到成2:30am先訓呀!!
結婚後2日都好忙!!
第一日要去還婚紗,之後回去執屋(放返好D野)
第二日要同老公去買我用的日用品同開聯名戶口(當然是我做戶口持有人啦~~呵呵
)


當然現在最想就係同老公努力儲$$買樓啦!!因現在要同老爺奶奶住好多野都唔放便
同好唔慣!!唔知大家有無同感呢??


2006年12月24日 星期日

仲有2日就結婚啦~

昨日搬晒D野去我男友家(包括陪我一起訓的大熊人仔)
到我回家後訓覺時,發覺無左大熊人陪我訓....突然間覺得好寂寞呢


今日一早就去左做facial,脫背部的毛 (但依家個背部不知是否敏感,有D癢呢)
 (而做Facial的人都好好,知道我結婚了,免費同我做左D靚靚拍甲)
Show D指甲比各位睇睇先:

做完Facial後,出發去佐敦攞婚紗晚裝...
我一共租左10件衫 (褂 : 1 , 婚紗 : 2 , 晚裝 : 3 , 姊妹衫 : 2, 媽咪衫 : 2)
租衫店共比左4個行李箱我地....好在有伴娘幫手攞上車,如果唔係都唔知點算
(伴娘仲送左條靚靚頸鏈比我,好多謝你呀)
祝各位聖誕快樂!!




2006年12月23日 星期六

搬屋了....好累!

終於要搬晒自己D野去我男友家啦
都用左成2晚執野.....原來我自己有成4個"紅白藍"膠袋同4個膠箱
等我報告下有D乜野啦:
2個"紅白藍"膠袋 : 衫,褲,裙,襪
1個"紅白藍"膠袋 : 鞋
1個"紅白藍"膠袋 : 雜物
2個膠箱 : 毛公仔
1個膠箱 : 書
1個膠箱 : 袋
(其實都有D唔捨得搬,又要去適應一個新環境而且又要同男友家人住)
我之後book左"雞記"送晒D野去屯門(男友家)
我男友的家人見到我執咁多野去佢地到都覺得好恐怖!
將D衫,褲,裙,襪放晒落櫃先 (結婚後先慢慢執,諗起都驚呀!)


有個同事前2日比左D靚靚絲花比我,但因D花下面的膠比較滑所以攪左好久先做好1支呢!
(這隻手係我brother嫁!!)



2006年12月22日 星期五

收到好多禮物

今日收到同事送的結婚禮物 (係相架黎嫁)
因今日冬至我男友早收工(我無得早收呀~),佢黎接我收工,出到去見到佢又一袋二袋,
原來是佢公司D同事送左D禮物比佢 (係香檳杯黎)
真係多謝晒各位~~
另今日去了我男友家食飯,影返D床同櫃的相,但因間房好細,放左張大床同櫃之後,
落床只需行二步就去到門口啦!!! (電腦側邊就係門口了)
(但有一個好處就係一邊係房上網,一邊可以將個頭伸去客廳到睇電視!哈哈
比多次D相各位睇睇先 :











2006年12月18日 星期一

榮華傢俬裝飾公司

我男友今日勁激氣

之前我地10月中訂做傢私!同佢講我地要20/12送貨(因個日安床)
佢地係張單都mark底左.....點知到11月中收到佢地電話問我地
係唔係
20/11送貨!!
(攪左一大輪佢地問一係早D送貨,最後我地都係要返20/12送貨)
到今日個女職員打比我男友話20/12個司機請左假,無人送貨
一係19/12送,一係20/12後送
咁我男友一早請左假20/12(諗住19/12晚清左間房20/12安床收拾好D野)咁我男友同佢地講我現在乜都未收拾,而且你地司機請左假唔係我地問題
(我都唔明點解佢地唔找另外d司機送囉)
個女職員話可叫D運輸搬走佢張舊床
(不過,要比$)現在係佢公司問題,仲要比$
我男友聽到勁嬲啦!!!個職員比人罵仲要係到笑
咁到講找尾數....我男友同我都要返工,找數又話唔比得credit card
20/12去比又唔得! 一定要明日交cash比D運輸

現只有被迫叫我男友個老豆收貨同比$,到時返到去睇有問題都唔知點好!
勁唔開心!!!

2006年12月17日 星期日

開場DVD

星期六晚入左元朗食飯,見到好大隻的企鵝係百老匯門口(立即同佢影返張相先
)

食完飯又行左去元朗IT個邊睇衫,之後去左間 "ANS"的鋪頭睇中左個粉紅色毛毛袋
點知我男友話我用粉紅色一定幾個月後就會變左黑色!!所以最後買左個綠色毛毛袋
(不過都好靚)
星期日就去左酒樓取DVD(酒樓隻DVD又ok喎..
但轉相時就比較簡單!)


現努力由VOB檔轉緊做AVI,希望可放到酒樓個DVD File上網
之後再殺入金都買利是封,車的佈置,取襟花.....
返到屋企就落街做facial,facial姐姐同D同事好好人呀~免費幫我修甲,
(仲要一個幫我做緊facial,另一個就幫我修甲) 自己都覺得自己成個少奶奶咁呀~~
佢地仲話24/12有時間同我油甲同加閃石 (當然是免費啦~佢地話見我結婚呀嘛
)

剛剛轉好左酒樓個DVD,希望uplod到比各位睇啦:
(而我男友個隻dvd要做後期修改,Later先放上來....我男友個隻做得靚D嫁!!)

wedding DVD (free prodct by King Group)
 http://hk.video.yahoo.com/video/play?vid=4bfb3243be630b01423a9439c4a623a0.1451457

2006年12月11日 星期一

第二次試造型

今日一早就派左D"紅炸彈"比D同事
唉....上星期老闆娘對唔切個同事D單,之後比晒我對!好啦,星期六已經對晒1/11-1711,
今日又比18/11-30/11D單我!!! (唔係呀!自己D野都做唔晒又不斷比野人做,個同事又比佢炒左做到
12月尾,唔洗講D野又係我跟嫁啦~~)
我唔理啦!!我最多做到7:00pm,做唔晒就算!
下午我請左半日假,約左化妝師試第二次造型(全部用真髮嫁....)
有2個髮型我都覺得幾得意 (化妝師話結婚個日會6:00am到酒店嫁啦)
試完造型又去左千色店同吉之島買了D禮物,之後去左元氣食壽司仲送左把扇比我地呢!!


2006年12月9日 星期六

超忙

今日超忙呀!!放左工攞左張龍鳳被去Anthony家,
Ahthony將佢做左的片頭部份比我睇,我睇左都覺得幾正(唔錯!唔錯!)
之後又要出旺角買茶壺茶杯,男女上頭用品,睡衣,對聯,車頭公仔......
明日就同D姊妹食飯啦~~(好緊張呢!)


2006年12月4日 星期一

金錢的誘惑

剛剛去了買床褥啦!!
因我男友睇中左"獨立彈簧"個D床褥,最後比較左3間:
4呎床
雅芳亭 : $33XX (減左價)
歐化 : $38XX (減左價)
軒琴居 : $18XX (有HSBC再8折 $15XX)
最後,經過一論思想掙扎都係買左軒琴居!

因諗住張床都係用3年倒,如果到時買樓都唔會連床搬嫁啦~ 咁不如買張平D,到第時買樓先買張貴野
另外,星期六有個同事比人叫左去,原本同佢講做到12月叫佢之後唔洗返工!雖然個同事做野係慢D同唔得醒目,但佢自己都知自己事,所以日日都留係公司OT,我都覺得佢幾慘!!而佢出左去之後我想都幾難找到工囉..

(以下是Anthony版本)
唔得, 我要就買床褥一事發表番我的原文
標題係"金錢之誘惑"
對我嚟講係好重要的, 買床褥更係要買好d啦, 心諗普通雅蘭$2000到, 好! 就俾夠$3000 budget去買, 幾豪啊, 心諗今次實買到啦, 跟住同angela去睇床褥啦, 試完之後發覺一種個名好鬼pro 叫獨立袋裝床褥最鬼好訓, 個種軟中帶良好承托的感覺 - perfect, 8分啦, 係你啦! 點知原來$3000的 "豪" 係唔夠買這個perfect, 重要俾多$300~$800, 心又再諗三幾百, 豪埋去啦! 不過都要諗吓豪$300定$800好呢? 諗吓諗吓諗咗入軒琴居, 望吓望吓見到張床褥又走去訓吓,一訓之下!!  依~~not bad wor! 個種感覺又嚟啦, 不過都係差過之前個d, 6分啦!  左望望右望望, 忽然眼前一亮, 原來這張就是個名好pro的 獨立袋裝床褥, 跟住問個sales幾$, 個sales 話$1800啦, 即時心中有個天評出現咗, 左面係"豪", 右面係"$", 當時大家50:50 不分高低, 跟住過sales再講多句hsbc仲有8折架, $1500得啦!  oh! 大家都係個名好pro的床褥啫, 平成2k, 跟住過2k就跟我的"豪"戰鬥, 不出10' s  "$ "戰勝"豪"了, 跟住就問sales 幾時可以送貨啊?? 原來要豪並不容易! $的誘惑真是好勵害

2006年12月2日 星期六

好多野攪呀.....(小心!!!內有艷照)

今日去左香港中文大學考普通話,去到時見到2個之前同我一齊讀普通話的同學仔(勁開心呀!!)
估唔到會見到佢地嘛!!之後去到等到5點就入去考試啦......但去到都唔係坐到full晒,
有D位有人有D位都無人坐
考試分左4 part(當然是有D識有D唔識啦!!)
6點考完試走返去荃灣吉之島睇床褥(因1-3/12有J-Card額外再有9折),
我男友睇中左雅方婷的床褥而且亦同個sales開左單嫁啦!!
去到比$之後又話要用佢個隻credit card / EPS / Cash先有特價再9折,如果唔係一係做分期.
好啦...咁無法啦!咪去做分期啦!!!又攪一大倫野...又準備去比$$.
點知行到去.我男友睇下睇下發覺張床褥係比平時個D厚好多.....咪叫個Sale度下.
原本成9.5"厚!!好在未比$因張床褥一定頂住我個床頭櫃  (我床頭櫃開得嫁嘛)
最後都係同個sales講取消張單 (又運左人桔添!!)
又要再找過D床褥.......

最近消息!最近消息!剛剛收到相!!!!
我男友在10月時做伴郎接新娘時玩遊戲的相片 (睇完笑到我呀.....)

(1. 我幾勁,有人幫我穿內衣呀~~)


(2.我係唔係好性感呢??唔好笑呀...)


(3.  E~~原來仲有其他靚女喎!!!唔好走呀....)