公司春茗大日子

昨日是我(小老婆)公司春茗的大日子,而我地寫字樓的人今年都要5:00pm倒
到達酒樓幫手setup d野!!
之後去到酒樓等等等.....到成9:00pm倒先開始有得食
當然,大家食之餘當然最關心就係抽獎啦!!(係個個員工都有份的,除了最近入職個D)
今年的禮物係係上年咁好!!而我有個同事抽到一盒朱古力,另一個抽到LV的化妝袋仔,
而我...唉!!大家睇睇就知 :


 (for men)
食完飯都差不多11:00pm,又你時候歸家了!
到今日啦,我地一早去左荃灣睇機械人展!
點知行唔到半個鍾就行完(都無乜野睇!)
好在D票你免費,如果要比$買票就真係勁唔低!
no coment所以俾d相大家睇算啦




   
之後再去沙田行IKEA買野, 因為屋企個衣櫃成個亂葬崗咁,
所以就去買咗d架嚟放入衣櫃 ,希望可以整理d啦!

又抽新股

繼昨天老婆抽完新股賺咗千多元之後, 佢啊媽又叫佢抽隻木材股,
老婆緊係興致勃勃咁話要抽啦! 我問隻羊咩妳今次又知唔知號碼啊?
叫咩名啊?? 老婆照舊都係唔知! 仲叫我做佢的投資顧問, 問我值唔值得抽喎!
我當然話唔抽啦! 以家個市 d pe 高到你唔信, 過時d股票佬十幾倍都話高, 以家
幾十倍又唔見佢地話高喎! 搵鬼笨架!
但最後睇嚟佢都會抽架啦! 跟住佢仲叫我抽埋一份, 我話冇錢啊,
跟住佢話no problem 我借錢你抽啦, 幾豪啊! 好似100%賺硬咁

相信股市嚟大跌之時已不遠矣

另外今日老婆去咗春茗, 我又係無所事事咁!
好在今日星期六, 有啊蘇睇! 今集都係行吓街買吓野咁又一集, 都搵笨架,
但係我又鍾意俾佢搵笨, 今集有d野都幾攪笑, 講俾大家聽吓啦!
首先有一part啊蘇無啦啦開抬~決戰四方城, 心諗講咩呢?
見佢一路打啊打, 都冇講咩喎! 打完之後先知原來係想講
麻雀紙
有咩特別呢? 冇講, 佢只係特別提到個價錢~特別貴
500張一疊, $900
跟住佢介紹護膚品, 佢又係提到價錢, 不過今次佢話好平民價錢啫!
跟住佢買咗兩支得10ml 咁多多的eye cream 價值$1100
佢d平民價都真係............
跟住去到罝地食好野, 又話好平啫! 聽到這句隔黎個主持都冇咗反應
見佢食個意粉, 兩啖就食完個d都成2百幾都話平喎! 跟住飲杯野又$120
有錢人d價值觀真係唔同d, 唔知幾時到我話$200一啖意粉都可以話平呢?

p.s. 老婆拓我問一條無聊常識題 -    指南針指邊個方向呢??

悶....好悶

好悶... 因為新年之後我仲係放咁假,
因為公司規定2月要清哂d annual
因為我仲有好多annual未放
咁多因為之下, 得出一個字...........悶
加加埋埋真係放足半個月, 新年個時都好d, 可以拜年, 就算冇野
做都可以同老婆行街街, so happy

不過新年過後, 得番自己一條友孤苦伶仃咁過, 第一日都好d
因為之前好小機會獨擺電腦, 所以昨日就狂打機~~狂上網, 非常enjoy,
話咁快又一天!
之不過昨天有d過火, 今日對電腦失去興趣, 忽然間唔知做咩好,
就係咁呆咗十幾分鐘, 跟住電話嚮起, 原來係老婆, 不過佢唔係關心我
係關心佢隻新上市股票, 好啦! 反正冇咩做, 幫吓妳啦! 咩no啊?
隔咗5分鐘, 冇回音(我地用sms通訊的), 隻羊咩 9成9連股票號碼都唔知啦
我肯定佢只係知道隻股係咩果汁, 連全名都唔知! 我肯定
自己check到號碼之後, 望望股價, 嘩! 不得了, 升到成支火箭咁, 仲要係只
有買盤, 冇咩賣盤, 每更新一次個股價就升幾個價位! 攪到我心思思都想入d貨,
最後都係冇買, 好驚! 望得一隻就緊係買埋其他啦! 就係咁望吓望吓, 又一個
上午囉! 怪得之咁多師奶炒股啦! 又好搵, 又易消磨時間! 唉! 越嚟越覺得自
已唔應該打工!

仲有4日, 點過啊

(高脂物體小老婆回應 : 雖然我唔知隻股係乜野名,但我又賺左千幾元呀!Yeah~~)

有錢派...

冇錯...有錢派!  不過唔係我!
係稻香集團!
話說初一去 "迎喜" 食團年飯, 食完之後每人派了一封金利是! 好鬼靚吓!
最初我以為係什麼coupon之類, 跟住個侍應話十蚊嚟架!
但係我都唔係好信, 心諗10蚊銀朱古力金幣啊!
一開之下, 完來真係一個十蚊嚟喎, 幾重本啊

啊高脂物體小老婆又有新玩具啦! 大家望望

好多....好多豬啊

恭喜發財
首先祝各位 :

圓玉潤,

光寶氣,

籠入水,

玉滿堂,

肥家富,

笑顏開,

壯人健,

如此類,

事順利.....

辣椒仔,  我終於搵到隻超可愛豬俾妳啦

 雖然唔係實物,

收住先啦!

karen都有架, 送隻愛心眼仔豬俾妳啦!

當然唔小得龍爺啦! 送你一隻warning豬, 注意後面patpat位置
有warning 標置架

唔鍾意的話, 仲有好多, 隨便選

 

回望狗年 ~ 豬年展望

係年三十晚, 回望吓自己的過去同展望吓將來先

回望狗年
建康: TOUCH WOOD地都冇咩大病, 仲做咗咁大個仔第一次身體檢查, 個REPORT
            都冇咩問題, 最開心係見到個"清"字, 至於咩清就唔講啦! 我老婆個REPORT
           都有個字架! 咩字都係唔講得, 大家估吓啦

爰情: 今年終於結婚啦! 大過仔啦! 照顧老婆啦! 狗年最滿意的一環!
工作:  死敵仍然未死, 總監仍然好癈, 所有事情都跟劇本發展, 朝9晚6 ~好悶!
            係時侯.........
財運: 今年股事好到你唔信, 不過我竟然係這個大時代只係買個幾次新股贏咗
            幾千大元, 就係咁大把啦, 失敗!  不過買波有D收獲, 用$10WIN咗$7000
            反嚟, 今次都算代表作啦! 

豬年展望    
建康: 同上年一樣都得啦! 最緊要繼續"清"

愛情: 唔好同上年一樣啦! 我唔會比我自己有第二次架! 老婆信我吧!
工作: 短期目標 ~  死敵快D死, 總監快D醒! 唔好咁悶啦!
           都係時候睇吓"JOB MARKET"
           長期目標 ~ 做咩啊~~ 唔駛做啦! D 師奶日日按10個數字都已經有幾萬至
            幾十萬收入啦! 可憐的我, 都係按個10個數字啫仲要加埋26個英文字母都係
           得萬"嶺"蚊收入,  仲要反足9個鐘喎! 你話啊! 做嚟做咩啊! 加入帥奶兵團吧啦!
 財運: 六合彩頭獎是我的永遠目標! 神 ~ 請您祝福我吧! 您上次係輕鐵咁大整古, 
            係時候報恩啦

              

DOUBLE QUALITY BABY: 未係時候出世, 為迎合老鼠之家, 決定鼠年先出世

                                                       金豬要等啊PATRICK制做啦! PATRICK加油啊!

祝大家豬年事事如意, 開開心心, 建建康康啦               

2007情人節回憶

結婚後話咁快就情人節啦! 結咗婚後好多人都話情人節唔駛做咁足啦!
我老實咁講, 更係唔得, 就算過到自己個關, 都過唔到老婆個關, 死咁,
仲要死得好慘

係咁的情況下, 首先最基本要做既, 一定係大會指定的花啦!
預早兩星期去到花店, sales 就問: 送花啊!
高脂物體: 係啊
sales: 大中細, 要邊隻啊?
高脂物體: (好豪咁講) 咁係要大啦! 唔駛諗啦!
sales: 咁要咩花啊??
高脂物體: 大會指定咗鬱金香啊(要淺粉色), 襯花要加d紅豆喎
sales: no problem
就係咁好安心咁離開咗花店啦! 點知............



見到d花後發覺, 又係貨不對版, d四仔都包跟封面啦, 點解d花永遠都唔跟架
又話最大既? 普通size之喎! 買細既咪超迷你
紅豆呢? 點解又唔見咗架? 淺粉紅色喎, 一d都唔淺啦! 又俾人搵笨啦!
不過d花都叫ok靚, 算啦! 難得心情靚靚
下年都係請日假親自去買算啦!
另一個例排動作, 就更係情人節晚餐啦! 不過今年比較賴, 遲咗小小搵地方食飯,
其實都唔係好遲, 都係大約兩星期前啦!
老婆係忍無可忍之下, 四圍搵地方食晚餐, 不過我都有出力架, 我襯親自去定位架!
老婆都知我冇咩錢, 所以都搵d平小小的地方, 真係要對老婆好d先得!
最後選咗別府, 都ok架!


先嚟一個巨峰提子特飲 - 真係幾好飲, 粒提子絕不巨, 亦冇奇峰, 都唔知點解叫巨峰提子?
但一食之下, 絕不簡單! 原來冇核架, 又夠甜, good ar!
 


跟住菜單有一個叫超大帶子沙津, 初時以為又係唔跟封面搵笨之作, 點知比我想像還大
真係超大! 不過一般甜only, 元氣好食d




再嚟一個和牛燒, 難以置信啊! 竟然同買廣告張poster的和牛一樣架!
味道唔駛多講啦! 望到都知好食啊!

仲有好多野食架, 不詳譚了!
過往咁多年的情人節餐都係物非所值的, 今年是唯一例外的!希望下年都搵
到d咁平又咁正的情人節套餐啦!
跟住就同老婆番屋企玩插花啦! 睇吓, 幾靚

 
情人節番外篇
事件一:  話說老婆之前咪話要比d驚喜我既, 不過都唔知點解成日都要話比
我聽先, 一d驚喜都冇, 唉........ 就是這個朱古力了, 多謝老婆!

事件2: 我地每年都會係情人節影張貼紙相留念, 今年更係都要影張啦!
入到去貼紙舖, 有一個貌似中年但又扮得好似好young咁的頂級豬排店員手持一個
圓筒形物件, 係到大叫"店內所有機已經壞哂, 有外星人侵襲, 快d逃離現場"
我同老婆都係到心諗, 9成9比人飛咗, 又或者未曾戀過.........short q 咗!
我絕定唔會可憐她, 只會同佢講句:應該啦俾人飛, 冇人要妳架, 算吧啦, 快d入青山啦"
之後同老婆去咗第二間影囉!
 

事件3:
之前老婆整咗d愛心早餐比我帶反工食, 我個好妹妹見到之後善慕到死喎, 咪同佢男朋友
講囉! 男朋友終於都係情人節當天整了份愛心早餐給她, 佢整咗兩份三明治, 一份比
女朋友, 另一份唔係比佢自己喎, 竟然.......... 竟然 ... 係比我架! 超恐怖啊! 係情人
節當天啊妹個男朋友整愛心三文治過我食啊

 事上最恐怖的情人節事件就係咁發生

啦! 每年的情人節我必定會想起這份三文治, 每年都要嘔一次! 好慘!
好在啊妹死都唔肯帶番公司俾我食啫! 如果唔係我應該係一路食一路嘔

寫到這裡我又想嘔啦