高脂物體Faimly: 5月 2007

2007年5月28日星期一

詹瑞文的超低能 ~ 勁攪笑

又到星期日, 今日的節目不是普通的行街食飯, 首先我地食咗
個$55 的tea buffet, 對我這個不好甜品的人都覺得ok!
食物選擇並不多, 但有幾款出面都好小機會有得食, 例如
麵包布丁同菠菜蛋餅啦! 都幾好食架! 蛋糕都有好多款, 不過冇
得選, 排隊排到去時有邊款就食邊款, 供應亦相當充足, 唔駛搶!
之於味道都算ok! 冇咩邊款係難食! 我就食咗好多蕃茄仔, 係用攬
油煮過的, 幾好食! 我老婆就起勢咁食, 飽到行都行唔到啊!
以$55嚟講相當超值, 這個大家值得一試!

跟住我地去咗sogo行吓, 因為大減價的關係, 超多人啊! 不過我老婆
又發揮佢的shopping本色, 只要有減價, 勢必排除萬難, 搵出心頭好

我老婆最後買咗個playboy袋, 2百元多d就買到啦! 我估應該係半價呱!

跟住就去睇詹瑞文的男人之虎, 因為個tea buffet實在好飽, 我地連晚餐都唔駛食!
咁詹瑞文好唔好睇呢? 都幾好笑, 起碼好睇過林海峰! 不過有d野真係估
佢唔到, 例如佢都整咗段 "超低能, 勁攪笑" 的笑話, 不過唔知係唔係之前
林海峰講過, 冇咗驚喜! 最驚喜都係佢即場爆粗, 唔係一句起兩句止喎, 係
成段都係到勁爆粗喎! 其實我都唔知點解佢爆粗有咩咁好笑? 試想想你向住
你老婆/老公講句粗口, 即時離婚啦! 如果妳同啊爸/啊媽講, 家變都似!
又試想想妳同啊街市婆咁爆粗! 唔比人劈開幾十碌先奇啊! 但係詹瑞文爆粗咩?
妳又會笑到碌地喎! 仲要講得越勁, d人笑得越開心! 真係佩服佩服!
睇詹瑞文唔係只係睇佢d笑料, 仲有佢的演技都係超勁, 扮咩似咩!
仲要係現場扮喎! 唔係拍戲喎, 拍戲唔ok 可以再ng嚟過啊!
不過美中不足係後半開始有d悶! 其實佢係想係過段表達d野,
奈何我這個低層次人士, 只係聽到佢爆粗識笑, d高層次野我就睇唔明啦!

by 高脂物體

2007年5月27日星期日

Europe - 巴黎自由行 ( II )

於上午11:03 標籤：環遊世界篇

梵爾塞宮玩完之後, 我地去咗蒙馬特(畫家村), 那裡只得一條街,
店舖全是買手信的, 最特別是好多街頭畫家幫妳即時畫素描,
不過我地冇咩時間又冇咩興趣, 所以都冇畫, 我地都係主力數手信,
這個地方仲有好多餐廳, 我地見到人食青口食得好滋味, 而且又到
lunch hour, 我地就坐低一試啦! 我地8個人叫了d意粉, 叫了些三明治,
當然最重要的係叫了一個青口食啦!

意粉只是一個普通的三文魚意粉, 不過相當唔錯, 但未之於有驚喜!
個三文治係香港冇得食的品種, 因為唔係我叫的, 所以都唔知咩嚟,
未食之前同食完之後都唔知咩嚟, 不過好食! 最後一試個青口, 嘩, 不得了!
超好味, d青口唔同平時香港食到那些, 食落去非常之滑,
唔似香港那些肉死死實實的, 隻青口亦很鮮甜, 加上有小小湯汁, 更加係perfect,
好感動, 終於係歐洲食到餐好野啦!食飽飽之後, 我地又再上路啦!
途中有團友話想去hard rock買野, 所以我地都入去行咗個圈, 見到d t-short都幾靚,
仲買咗兩件添(寫住paris架)! 跟住我地去咗春天同老佛爺百貨公司行,
入到去就好似入咗sogo咁! 唔係話個格調/環境似, 係俾到我的感覺好似番咗香港咁,
因為入到去個sales 係講廣東話的,而好多counter都有中國人係到, 行街shopping
的好多都係亞洲人, 由其是好多日本人係到shopping, 而買的野並不特別靚,
並未能吸引到我同我老婆留連, 最後我地搵到間supermarket反而我地有d興趣,
仲買咗d野食添, 大約行咗兩個鐘之後, 我地進發去最後一個目的地 ~香謝麗舍大道

由於導遊都知道我地最想到的店舖係LV, 所以導遊直頭將架車停到LV門口,
間LV真係勁大, 不過我地只係行咗第一層, 唔知其他層數仲有咩買,
而入到去差唔多九成都係亞洲人, 外國人反而比較小, 本來都想幫朋友買袋,
計過之後先發覺同香港差唔多價錢, 所以都冇買到, 以我老婆心大心細之下都係冇買到!
而LV 其實已經變咗一個景點, 好多人好似我老婆咁, 影番張相留念

跟住我地就行吓香謝麗舍大道! 都冇咩特別, 較另我驚喜的係車的SHOWROOM,
DESIGN到好似展覽館咁, 放哂D概念車出嚟! D人入哂去SHOWROOM影相,
又有機打, 當然係賽車GAME啦! 我當然唔執輸入去影兩張先啦!

本來導遊話可以帶我地去食中餐, 但我地係趕唔到的情況下 (其實我都唔係好
想食, 驚俾佢掠多次水), 我地自己去搵野食, 最後搵咗間食PIZZA的,
仲要望住個凱旋門靚景食喎 ! 本來應該好好FEEL, 但係個位原來西斜架!
怪得之冇人坐啦!哂鬼到我眼都開唔到, 又鬼熱喎! 咩FEEL都冇哂!
好在有柸冰凍啤酒飲吓! 不過件PIZZA燒得幾靚, 應該真係用火爐燒的,
不過味道就單調D, 但又唔係難食喎, 總之唔同香港食到過D啦!
不過我估外國人食D PIZZA係簡單D 小D料, 唔同香港過D十幾廿種料,
D味千奇百怪的! 不過我鐘意外國D PIZZA啦! 唔駛走菠蘿啊!

外國PIZZA全部都冇菠蘿架

都唔知點解香港D PIZZA大部份都有菠蘿的

食完今餐, 歐州之旅終於完啦

2007年5月23日星期三

Europe - 巴黎自由行 ( I )

於下午2:07 標籤：環遊世界篇

食過一餐好一般的法國大餐之後, 小有地繼續行程,
不過都係自費活動, 先嚟一個價值40歐元的坐船夜遊巴黎,
初時有小小雨, 個個都係船入面慣慣咁坐, 後來停雨之後, 個個
走哂之船外睇野, 不過論景色只是一般, 香港夜景仲靚d, 不過都有
例外, 就係經過巴黎鐵塔時, 整座塔都有閃燈係到閃吓閃吓

跟早上看的情景完全不同, 當然係靚得多啦!
之後去另一個自費活動, 又係40歐元的巴黎鐵塔, 這個比較搵笨,
只係坐咗架電梯上到第二層望一望個巴黎夜景, 都係冇咩好睇,
有d到此一遊的搵笨感覺加上勁大風同勁凍, 個個入哂去唯一
買手信的店舖入面! 我地好快就反落嚟同買咗d鐵塔仔做手信, 不過
要同佢講吓價, 平足一半!
終於去到最後一天的行程, 但係我地的行程表係寫住
自由活動, 我原本的想法係導遊會再arrange d 行程, 另
到今日都會繼續有行程不過可能要加d錢, 心諗這天一定跟大隊
架啦! 所以我之前完全冇plan過今日點樣去自由行, 但事與願違
導遊只係按排一架車俾我地, 帶我地到都景點, that's all!! 收費係
每位$60歐元

勁貴啊! 完全諗唔到佢收得咁貴囉! 更加諗唔到的係
大部份的團友都唔比導遊搵笨, 一於自由行! 而我本來都想跟大隊自由
行架, 不過我老婆驚唔識路, 所以都係join咗$60搵笨一日團, 而我為咗
離補我俾搵笨, 我 $1 tips 都冇俾個導遊

咁多次跟團都係第一次
咁做! 指定的導遊費當然都係有俾佢啦! 因為太小人join搵笨團的關係,
連埋我地得8個人, 所以導遊搵咗架8人車俾我地坐, 都幾好既, 方便d
停車, 首先我地去梵爾賽宮, 不過要自己排隊去買票, 我地分頭行事,
有d去買票有d去排入場, 點知都我地會合之際, 有個死鬼佬話我地打尖喎,
擾樣一論先入到去

個皇宮其實唔係好靚, 都係入去睇吓d文物咁, 有d似羅浮宮,
而且我同老婆最喜歡的嘉勉圖又係到見到, 今次仲俾影相添, 一定
係假野, 另外入場仲包咗一個headphone, 可以即場講解番比妳聽d歷史
背景, 仲係有國語講架, 不過大家只係好留心咁聽咗頭兩段, 之後個d都
冇心機聽啦!

其實係宮後面仲有個大花園, 不過因為要另外比$ 所以都冇再睇囉!

未完架, 下次我會再講之後的行程, 包括係畫家村終於食到餐好食的情景,
我地又係香榭麗舍大道對住個凱旋門食DINNER, 當然唔小得遊LV總店的
經過啦!

2007年5月21日星期一

Europe - 今日去做藝術家

於下午2:06 標籤：環遊世界篇

一早起程去法國啦! 不過個司機話要入油, 帶咗我地入德國
不過因為仲係效區, 所以冇咩野好睇!
經過好鬼耐的車程之後, 終於到咗法國的巴黎,
我地首先去咗一個唔記得咩名的廣場, 離遠望吓個巴黎鐵塔,
不過真係超遠, 差d要用望遠鏡先望到, 都唔知帶我嚟做咩?
不過我地係到影咗張團體相, 唔小心d睇以為得個藍天!

跟住去睇吓個凱旋門, 不過又係冇得近睇, 今次好小小隔條馬路啫!
不過都好難影到張靚相

再嚟一個聖母院, 都靚既! 但係可能睇教堂睇得太多啦!
睇到冇咩感覺!

終於到今日的重頭戲 - 羅浮宮!

入面真係好大, 我估我地十分之一都行唔到, 係入面我地有一個
講廣東話的guild帶我地行, 一路行一路講解! 不過我同老婆都
比較心急, 自己行開咗搵野睇囉!

睇咗一大輪, 我肯定 ~~ 我冇藝術氣質,
因為入面冇一副畫同雕塑我係覺得好靚包括最
出名的蒙羅麗沙, 可能平時望得太多, 去到望到真品都唔覺有咩特別,
反而一副拿破崙嘉勉圖就比佢吸引到

,
連我老婆都係, 這幅畫真係畫得好緻細,
俾到妳應有的感覺, 例如地毯妳會feel到好舒服,
又例如d衫真係好柔軟咁, 每個人d表情都好豐富, 有d開心, 有d嬲,
就好似用相機拍咗張大海報咁, 完全feel到當時的情影,
可以俾妳慢慢幻想吓當時的景象, 我地最小都望咗佢成十分鐘,
算係俾面佢啦!