失敗的意外驚喜

我同個同事之前報的麵粉花個course開課啦!

但D麵粉花工具同材料都好貴...粗略估計要成$500-600(唔計course費用)

later我買晒D材料再影相比大家睇呀!


前日收到pink box的宣傳單張,有對水晶天鵝的電話繩(係限量發售嫁)

電話繩後面有粒水晶(男--藍色,女---粉紅色)

VIP可以特價$298(每條)換購 (原價$550一條)

我見到條電話繩就覺得同我地對結婚戒指好match,

今日就即刻打電話去pink box睇下條電話繩仲有無貨,

好在仲有貨,個sales仲好好人hold左一對電話繩比我!

放工即刻去左買啦!仲比左2個盒我放電話繩呢!

(條電話繩留左來做我老公的生日gift,我老公佢11月先生日,有排等啦!)

去完pink box後見IT的"5 cm"做緊 7折,於時入去睇睇...

有好野喎!見最近老公D衫又舊舊地,叫佢買又唔肯買,

咁等我買來送比佢啦~~

(買完仲諗住回家,偷偷地放入佢個衣櫃等佢明日攞衫時睇下佢有乜反應,

點知我老公仲早過我返屋企,乜野mood都無晒)

隻企鵝得唔得意呢?最近新出的模型黎嫁!


一共有10款,仲要D公仔有毛毛的(我地只是買左一款)

結咗婚半年啦

不知不覺已經結咗婚半年啦
不過講真有時間都未必會慶祝, 留番一周年先啦!
係半年間最唔習慣就係夜晚身邊多咗個人, 成鬼日
冇啦啦咁俾佢申一腳, 又俾佢搶哂D被, 好慘
不過overall嚟講都過得開開心心既
不過日後要更加努力照顧老婆先得, 等佢唔好再
成日有d小毛病!
另外老婆又有新玩具啦! 就係下面架玩具車, 睇嚟我又要努力搵d
模型仔放滿架車仔囉

Europe講多dd

最初未去歐洲之前, 歐洲俾我的感覺係好浪漫, 好relax
但去完之後, 除咗瑞士之外, 其他的國家都俾唔到我這種感覺
只係俾到我人多車多人山人海的感覺, 迫人的情況仲衰過香港!
而且除咗d景點之外, 其他的地方都係殘到死, 而且仲有大量的塗鴉,
真係差唔多晝得的地方都俾人晝哂咁濟 這個情況係意大利由其
嚴重! d歐洲人一定得閒過頭, 周圍係咁劃! 咁點解d人咁得閒? 因為
佢地只係每周做40個鐘 不過.........當地人都話太多啦! 正研究
咁每周做35個鐘好啦
另外有樣野估唔到的係, 歐洲周街都係老番, 不過唔係老番d戲同歌,
係老番d LV, GUCCI , 佢地D款齊到妳唔信, 賣老番的全部都係D非洲
人, 一手拎住廿個周圍搵人買, 不過咁耐我都未見過有人行埋去問價

架旅遊巴係我地坐足8日那架! 係唔係好樣衰呢? 除咗第一日有冷氣之
外, 跟住都係過住D冇冷氣的日子! 第一日個架就真係唔好提啦! 仲殘!
D牛牛係唔係好似我之前影過D豬豬呢? 原來係用嚟做慈善用途架!

 
這個血橙我幾經辛苦, 付出了不知幾多勇氣先食咗一塊咁多多, 味道同普通橙一樣,
個賣相就...............


我這個大鄉里, 出得去小, 入到酒店發現兩樣驚奇野,
分別係兩個糞坑同一條類似吸塵機條野的東西放咗係厠所
大家又知唔知係咩嚟呢?


兩個糞坑, 聽聞一個係正常咁用, 另一個係用嚟洗 pat pat喎
而個條野竟然係風筒 當用係吹頭之際, 總係覺得好大塵! 仲有的係條野弱雞
到暈, 連我頭頂個幾條毛仔都吹唔乾!


仲有一大發現, 就係橙味可樂啦! 不過係diet coke的關係, 我並冇試!
而老婆手上的係問團友借嚟影相的sample啫!

好灰呀!

話說去歐洲前話隻眼仔唔舒服,睇左2次普通醫生,
到回來時仲未好再睇了2次專科.到昨日為至我隻眼仔都
仲係有少少腫腫地咁,於是再回東涌睇醫生啦!

醫生一返起我隻眼皮一睇,就話我有粒白色的眼瘡!
而我阿媽仲話都幾大粒添...
(吓!!咁大個女我都未試過,好驚呀!)

醫生比左一個星期的眼藥水和眼膏.
但我都係好擔心呀,睇咁多次醫生都未好!
而且咁我依家咁,今個月仲製唔製做bb好呀??

五星級午餐

今朝一早我老公就叫住要去試葵芳"葵青劇院"附近個間餐廳食pasta.
好啦!下午就同你去食啦~

一去到就送上一藍麵包仲有簿脆(D包同簿脆好好食嫁)
仲有佢地個到有個黑醋點麵包食嫁!(Anthony話一流

)

高脂物體: 今次係第一次用黑醋點麵包食, 都真係唔錯, 一次過
食三四舊都得, 不過擔心食唔到主菜, 所以食咗兩舊就唔食住啦!

再來個餐湯
高脂物體: 個湯飲完都唔知咩湯, 這個水準以下, 金寶湯好飲d!

我叫左個田螺白酒pasta
高脂物體: 我只係食咗一啖, 似乎唔多夠味

我老公就叫左個鴨胸意大利飯
高脂物體: d鴨胸真係未曾如此嫩滑過, 好似食咁牛仔排咁嫩, 而d飯吸哂d汁,
都幾野味, 不過d飯半熟加上好似乾咗d, 扣咗小小分, 但係以這個$78的價錢
食到咁的水準, 已經物超所值囉!

甜品,好食!!
高脂物體: 竟然以我最增的菠蘿做甜品

下面過層係奶凍, 好滑!

本來應該好食的, 但係有菠蘿, 唔好食

最後,埋單$161 (Anthony發覺自己越來越"車始")----唔好意思,唔記得點寫.
食完飯之後,我就去左書局睇書,去到做緊discount,即刻睇睇有乜好書買先...
去到見到有本超厚超重的書,係叫"孕婦百科全書"
我老公叫我買喎!我話如果佢睇完話我知入面寫D乜我咪買囉!
我老公立即無野講