腳趾抽筋日記

點解隻腳趾會抽筋呢??咪就係因為IT囉...
今日返入東涌發現IT Outlet開左啦

我當然唔會放過今次o既shopping,一入到去已經人山人海.
我一支箭咁沖左入去,搶呀殺呀...

努力左1個半鍾(行到腳趾抽筋)...最後買左
高脂物體小老婆戰利品

高脂物體戰利品(2件都係大碼來嫁)

之後仲要比老公話我行得久,下次唔同我去shopping呢!

長隆馬戲團

玩完歡樂世界行返去長隆酒店集合,仲有D時間喎!
行吓,影下相先...

2隻豹係假嫁!

以下這2款係真的!

玩完歡樂世界之後已經散咗大半, 食過飯後仲
要去睇馬戲團
本來馬戲團對我嚟講只係一個bonus, 可有可冇, 如果當時比
我選, 可能我會選返酒店訓覺好過

 不過睇完之後, 出乎意料
地好睇喎!  現在比我選多次, 幾累都要睇啊!

不過當時場內係無冷氣, 又熱到飛起, 汗不繼湧出嚟, 條衫濕到
玩滑浪飛船過時都冇咁濕, 個show一開始過時已經有勁多表現演者
我估超過一百人, 不過大部份都只係跳吓舞咁! 另外有大約十個
人係高空穿住一套有燈的服飾係到彈吓彈吓, 而妳睇到既劃面
就好似好多星係個天空到移動, 加上勁多激光射嚟身射去, 靚到
爆啊 之後每個環節都十分唔錯, 由其是d動物表現幾鬼可愛,
其中d熊仔用雙腳行路, 一路行一路個pat pat扭吓扭吓, 仲識
得同人求婚添, 勁得意! 最後一環係高空跳水, 高空真係好高, 但係
個水池就細得可憐, 都幾得人驚散場之後仲有一個bonus,
就係有得睇煙花啦! 原來唔係次次都有架! 導遊話睇老闆心情, 鍾意
先放, 唔係成日有得睇架! d煙花都幾勁吓架, 仲放咗成十幾分鐘添!

返酒店之後, 食咗隻導遊推介既精選斤半重既走地雞, 味道一般, 我就
話三斤重既大肥雞好食好多啦!

第二日morning時間係7點

 真係救命啊! 又咁早!
食個去旅行第二差既早餐之後 (第一差既當然係歐州過d啦 )
又去玩囉 因為天雨關係, 原定下午既水上樂園改為早上出發,
仲好, 因為剛剛開門勁小人, 我地入到去D遊樂設施都未開, 要10點
先開, 不過已經有人排隊, 我地當然唔放過啦! 不過老婆就唔好彩啦!
撞正唔方便既日子, 為有自己同D FRIEND玩住先啦!

我地玩咗兩次大喇叭, 二次滑梯, 之後怕老婆悶, 所以冇玩到囉, 培吓老婆
值得一提既係過到D LOCKER都幾先進, 好似八達通咁 "DO" 一聲就自動
彈出嚟!



下午變為無聊SHOPPING團, 4點左右開始反返香港, 不過司機行條唔知
咩路, 行咗去條勁塞車既路, 塞咗成個鐘 去到皇崗仲要唔係停係巴士站喎!
停咗係唔知邊個停車場要我地係勁大雨既情況下行番過關, 成個行程都好滿意
就係最尾有些美中不足

勁玩長隆 - first day (訓醒後繼續講)

玩完4d影院之後, 我地下一個目標就係滑浪飛船啦!
一路行一路講咁個4d影院有幾好玩之際, 已經到咗我地
下一個目的地 ~ 滑落飛船, 跟住聽到有人慘叫,

再回頭一望
竟然係一個兩層樓高既巨浪  各人即時開始滴汗, 有人講

"痴線架" ,
而我即時有個疑問:  "我地要玩架??

" 好快地有人回答:

更係
唔玩啦! 傻架

  不過tracy又好想玩喎! 所以最後我地都玩咗
這個達海嘯級既滑浪飛船!

好在那裡有雨衣賣(包埋對鞋架) 其本上個個都買, 如果唔穿一定
100%濕哂! 排咗二十分鐘左右就到我地去死啦! 一沖之後, 兩層樓
高既巨浪從高空墜下就好似去咗瀑布下面一樣, 個種感覺比海洋公園
那個high得多  而沖落嚟之際, 我件雨衣係比強風吹起咗!
所以最後我件褲都係濕哂, 不過上身同隻鞋都還ok!
不過危機還未解除, 因為要經過一條路去番巨浪過位先去到出口, 而
另一隻船已經沖咁落嚟, 但係前面d人仲係到慢慢行阻鬼住哂
眼見已經趕唔切, 此時心裡空白一片, 絕望啦 為有轉身默默接受
死刑, 巨浪再次由高空墮下, 今次比坐係船過時更勁, 勁到將我包住
對鞋既雨衣沖開咗! 勁慘! 過刻我完全感覺到海嘯既威力!!
講都係feel唔到, 大家睇圖睇吓有幾勁啦! 

沖落嚟一刻, 好似唔係好勁! 再望下一張

勁呢?! 其實都未影到最高個刻, d浪可以去到屋頂架!!
我地玩完之後就係要穿個那個亭先至係出口, 我就好似

下面張圖企係樓梯個人咁 (企個位都一樣), 原全埋沒咗係巨浪中

之後我地玩咗d低能野,  睇咗場特技show, 睇到最後個演員唔知
點解傷咗, 冇啦啦咁就完咗啦!
玩咗大約5個鍾, 不過差唔多全程都係冇冷氣加上天氣勁熱, 不繼出汗
好過去做GYM減肥啊! 走過時已經散哂 

食完飯之後仲有個馬戲團睇, 不過留番下次先講啦!