超感人婚禮

昨日係我好友阿Ling結婚,一放工我就約左我D舊同事一齊去
尖沙咀伊甸園觀禮啦!
一去到見到新娘子好靚呢!

好啦!當新娘新郎準備去到律師面前註冊時,我見到律師攞左張紙巾出來...
原來新娘已經係到哭緊呢

當讀誓詞時新娘又一次一路哭一路讀,
好感動呀~~~(令我想起我註冊時既情境...我註冊時無哭嫁)

觀完禮之後同D舊同事去左九龍酒店食Tea Buffet,D野食我就覺得一般!

到左酒樓...入席啦!
我地每人都收一1個回禮小禮物,就係電燈豬,
當新娘新郎入場時,我地全場一齊揮動歡迎lee對新人!

新郎新娘係台上多謝佢地既屋企人時,2個都忍唔住哭起來,
連新郎既媽媽都哭了!我地見到Lee個情境成台都眼濕濕

係中場新人又攞左D Cash出來抽獎,又播返少少接新娘同註冊既片段.
就係lee個時候新郎突然出現係個場既中間多謝新娘,一邊講一邊行返係
台上既新娘到,新郎跪左係地下將一束玫瑰花送比新娘!
新娘又驚喜又開心(當然新娘感動到又一次哭起來)

仲話同老公拍左拖8年,佢第一次送花呢!

就係咁佢地完成左今次咁感人既婚禮,祝佢地永遠快樂!

負擔太重了

唔知各位有無抽新股呢?我就少好彩,抽到遠洋地產.
今日一開市就放左了!Yeah ~~

放工返到屋企食完飯,老爺就即刻比張電費單叫我老公交

.
我老公就話上期我地交左,今期又要我地交!!
(雖然我地都諗住交埋今期既電費)
之後到奶奶又話上年買左個洗衣機要供2年,依家供左1年,
下個月起要我老公供...仲有意無意間話自己09年退休,
要養佢咁囉.

老爺奶奶成日係我同老公面前叫我地快D生.
生左又點呢??邊個養呀??
我當然全程無出過聲

,亦無比過意見.
我亦明白老人家個個都想老來有仔女養.
我老公要供養佢家人,而我自己亦都要供養自己既家人.
佢地到時唔好拖我落水就得啦!!

當我聽完老爺奶奶講完野之後,我即時有唔想生BB既念頭!

日後又想買樓(依家住緊個到太細,結婚時做姊妹來過我家既都知乜野事啦)
,供自己層樓又要供老爺奶奶個層,
要比家用(2家人),又要養BB...負擔實在太重!!

我比較自私仲好想去多D旅行,玩多D,享受多D!!!
快D到28歲就好了,到時唔洗生BB了!

送給同事的麵粉花

上星期有時間做左D麵粉花.

total做左2盆石斛蘭,1盆加多利亞蘭,最後送左其中2盆比我阿媽!

而之前D同事個個都話想要麵粉花,見今個星期有時間就做左少少...

不過得2盆較剪蘭唔夠分呢!其他同事要再慢慢等下先啦!粉紅色較剪蘭個盆係得半邊,所以後面係加左磁石嫁~
希望收到既同事會鍾意啦

日後有時間希望可以做多些送比各位朋友呢!!

我會努力

加油!!努力!!

開心與不開心

開心o既係終於學晒麵粉花---蘭花初班
做好左---加多利亞蘭,見仲有D時間同我盆"較剪蘭"加工下先

唔開心o既係 (都好長篇下)

人物介紹 :
W-老闆娘 , 大C小姐-老闆家姐, J小姐-老闆娘細妹
E小姐-會計同事  細C小姐-大肚同事  H小姐-打單同事
V小姐-新打單同事   A小姐-當然係我啦~

話說8月尾時,老闆娘開會話"細C"12月要生仔!
要重新分配過d工作....

結果,我有1/4的單比左新同事,
我打開的大陸單比E小姐(真係慘...會計都要打單)
仲有1隻簡單的單就比左"H小姐"打

"細C"就將全部單(除了其中一間公司比左"J小姐")
其他比左我跟!

而"J小姐"打開某一間公司o既單,成日都話難打,
又打錯晒! 老闆娘話間o個間公司d單複雜,叫我跟喎!
(我心諗: 複雜個d就叫我跟,EASY個d就自己打)
最嬲就係"J小姐"比d單我同我講: "我對你唔住呀!我8月一張單都未打過..."
我當時勁嬲XYZ
佢呀!不過我無理佢無同佢講野!
(之後J小姐比左D單我,講都唔講返比我知加左D乜野新野.)
may be人地覺得我唔明會自己走去問佢掛...

我返到去同我老公講.我老公話 : 無計啦!人地係王親國戚來嫁!


依傢要追返"J小姐"d單,攪到我做唔晒d野
!

今日放工前比C小姐人叫左入房傾野...
仲問我D單野成點!但當我同C小姐講我打跟J小姐8月D單,佢好驚訝囉!
原來J小姐話比C小姐知8月D單佢自己跟左9月個D單至比我跟!

真係唔公平呀!做到野o既人就做死,做唔到野o既人就舒舒服服唔洗做.