蟹爪蘭

今日終於做好左2盆"蟹爪蘭"~~
好開心呀!!

大個盆我既,細個盆比我阿媽!
依家做花都會做多盆比我阿媽,遲D實比佢罵
: "唔好再比我呀!屋企無位放我D花啦!!"

小肥羊

其實好耐之前對小肥羊冇咩好感

, 一來係大陸野,
二來個名真係改得幾衰, 所以一直都冇試過
直到早排有同事試過極到稱讚, 又咁岩要同朋友食飯,
所以就即管一試, 睇吓咩料


第一步行到入鋪, 已經傳嚟強烈湯底的味道, 感覺到佢絕不簡單
我們4個人當然叫了一個四人套餐啦! 有兩碟羊, 一碟牛, 一d菜同丸咁啦!
聽落好似好簡單, 不過一食之下比我想像之中還好得多

先講湯底, 我地叫咗個鴛鴦鍋, 係麻辣同清湯, 不過清湯一d都唔清,
比平時屋企飲既湯更濃, 大量既蒜頭同大量既香料煮成, 一入嚟過時
就係這種味啦! 而本人不好辣, 所以麻辣不作評論啦! 個餐有兩種不
同既羊, 不過食落冇咩分別, 淥熟羊肉之後, 先發覺冇豉油點既
冇就冇啦! 食咗先算, 完來冇豉油都ok喎! 羊肉有極小既鬚味,
而且肉味非常, 唔似得

平時任食過d大量鬚味小量肉味, 不過都係及
唔上那個澳洲和牛, 初時以為得個名, 普通肥牛一碟啫!
點知貨真價實 真係充滿雪花的和牛

, 而且數量不小, 差唔多廿片!
和牛當然好味啦! 仲好軟滑添, 不過總係有d哂料既感覺, 用嚟打邊爐
冇咗燒肉既香味, 唔得prefert 而小肥羊的墨魚滑係我食過最最最
好味

既墨魚滑, 又彈牙又鮮甜! 四寶丸都係非一般既四寶丸, 食落去
入面有料架! 有d有芝士, 有d有蟹子, 都幾得意! 最後一定一定要試既
係

羊粉, 妳可以視為刀削麵同河粉的混合版, 佢俾河粉更滑但又有刀
削麵既口感, 好神奇

基本上我一向唔鍾意任點任食, 總係覺得食咁d 垃圾

, 不過都唔平喎!
計吓計吓每人都要成舊水埋單啦! 不如俾多幾十去小肥羊, 好食得多!
對我嚟講任點任食等同去咗地獄,

想約我食飯既朋友門, 千期唔好約我
係地獄等, 去接近天堂d既小肥羊等啦!

離開之後, 小肥羊既味仍然輝之不散, 直至反到屋企,
老婆都聞得到強烈既味道

11 & 12月活動預告

今日收到老公個SMS話"周杰倫2007世界巡迴演唱會"

嘩~~

等睇個演唱會等到頸都長呀!!

id card仲可以優先訂票,我二話不說就打去左hotline訂飛

條死人hotline打極都唔通

,打左15mins終於通左.

係lee個時侯老闆娘打內線來問我野(勁驚個hotline cut我線)

好在同老闆傾完後個hotline仲係播緊音樂!

最後訂到飛!好期待呢!

係11月&12月我地都有好多節目呢!
如果要約我地既朋友要留意啦~

2/11 陳奕迅演唱會2/12 詹瑞文-萬千師奶賀台慶
8/12 周杰倫/2007世界巡迴演唱會

新股回顧

各位朋友,最近有無抽新股呀??
我當然有抽啦~
等我總結下先 (我每次只抽1手ONLY)

恆鼎 : 小老婆同老公都抽唔到

群星紙業 : 抽唔到

遠洋地產 : 小老婆抽到一手

SOHO : 小老婆抽唔到

,老公抽到一手

金山軟件 : 小老婆抽唔到

奧園地產 : 小老婆抽到一手

中國動向 : 小老婆抽到一手

新鑫 : 小老婆同老公都抽唔到

星期二收到奧園張股票,LUNCH諗住去BANK叫佢地開市放啦!
點知BANK STAFF話要2:30PM親身來放...
吓!唔係呀

~~平時我阿媽(係佢樓下間BANK)都係幫我放低張股票
到開市BANK STAFF就幫我放嫁啦.
之後我就CALL阿媽話佢知BANK STAFF唔比我放低張股票,
我阿媽本來同d朋友飲下午茶嫁.不過佢為左我既利益着想,
佢由東涌走出來荃灣幫我放股票呀!
真係THANK YOU晒

~~星期六請你飲茶呀!!

各位係唔係好奇怪呢??黠解小老婆得LEE隻奧園要去BANK放.
因如果我老公有抽新股我就會抽白表,如果老公唔抽我就會用
佢個HSBC A/C抽(抽股個手續費平好多有d $0,$18 & $50 ONLY)
而小老婆d股而且放晒,袋袋平安!
不過仲有隻復星未放唔知幾時升呢??