結婚記念之活動篇

其實結婚周年諗過好多地方, 例如威尼斯人, disley....
不過一一都俾小老婆reject咗, 好在仲有海洋公園未reject
最後決定去海洋公園聖誕全城hohoho
好玩到hohoho就冇啦
有既係被人迫到hohoho,同排隊排到hohoho

仲有d表演悶到hohohoooo....... zzz..............

一早10點鍾出門口, 11點幾已經到咗海洋公園容樹灣入口
公園入面已經人山人海, 入到去已經出現第一個晴天霹靂的壞消息

所有時間所有項目的門票已經派發完畢
吓! 咁我地即係咩都冇得玩, 點算啊?
研究咗一陣先發覺仲有得即場排隊, 咁都有d安慰

之後我地就轉過身, 見到條隊就排啦
真係連玩咩都未知排咗先算, 原來係睇冰雕

都幾ok，幾靚啊, 不過排咗成個鐘, 睇就睇得5分鐘
之後出到嚟已經1點左右, 有個冰上百老匯show 2點先開始
不過已經又有人排隊啦! 我地又急不及待又再去排隊啦
今次仲買埋lunch一路排一路食添, 今次好d等咗一陣可以
入去個場地坐係到等
2點鍾準時開show, 不過個show 悶到HIHI

之後我玩番平時過D普通野, 不過都每樣野排隊都排死人
最後我地只係睇哂所有既動物, 係一個GAME都冇玩過之下
連CABLE CAR都冇坐(坐巴士去正門再玩) 都要7點先走人

有聖誕老人餵魚

隻熊猫真係超得意, 玩倒掛

D MO仔幾得意

隻墨魚.........做剌身應該好正

離開之後, 小老婆為報答我既結婚禮物, 請我食咗餐飯
初初小老婆帶我去FOOD COURT入面食鐵板燒,
我見到個價錢 $9X, FOODCOURT喎, $9X會唔會貴咗D啊?
即時REJECT, 之後去咗MR.STEAK食, 不過仲貴,
不過我覺得貴得值囉, 話哂都結婚周年, 搵間氣氛好小小
先似樣架

結婚紀念之禮物篇

今日係高脂同小老婆既結婚一週年紀念.

一朝早高脂就送左份禮物比小老婆.

小老婆一睇...原來係Gucci銀包.

小老婆 : 多謝高脂!! (不過小老婆唔係一個好名牌既人,
如果係既,係法國時就買左LV,Gucci返來啦!!)

高脂 : 係唔係真係鍾意嫁??


小老婆 : 下次唔好買咁貴既野比我啦!
你要送下次送個旅行團比我,我更加開心!!(hahaha....)


高脂 :..............

屯門ＵＡ試睇報告

屯門竟然開咗間新ＵＡ，我身為屯門人更係要第一時間
去睇吓掂唔掂啦

初時知道開ＵＡ都有Ｄ失望，因為佢D坐位同音響都比百老匯差
但試完之後我又唔覺太差喎

出面個裝修贏百老匯9條街, 個UA個字會不繼轉色架

跟住個坐位真係非常OK, 雖然唔係百老匯的大班倚
不過都相當大張, 而且比百老匯軟身D仲厚身好多,
總括此環節UA嬴咗個馬鼻
坐低之後發覺後排坐位比前排只係高小小
擔心會比人檔住, 但因為銀幕比較高此問題並不存在
而個銀幕更係直得一讚, 我地去既2院, 只係一個細院,
只得10行坐位左右, 但係個銀幕出期地大
不過我另一重視的環節音響就差小小囉
其實佢都唔係差, 只係唔夠百老匯好啫, 百老匯個低音震撼得多
真係BOOM到個位都震架

睇完戲之後同老婆行吓街, 今年商場個佈置都幾OK啊

因為小老婆都未病好, 行咗一陣就番屋企囉

不過走之前, 買個應節麵包番屋企食, 幾可愛

回到結婚時的.......

2006年12月26日我同老婆係奧海城皇廷舉行婚宴

事隔差不多一年
係2007年12月24日我同老婆既然有機會重回舊地
當然主角不再是我們

我地變回一個賓客參加老婆個表哥的婚宴
今次當然俾上次輕鬆得多啦!
老婆仲同d親友打吓牌添
老婆其實係接力佢個輸清光既細佬
點知老婆坐落去同佢細佬同一命運
一餔牌都未食過
, 而不同的地方係..........
輸清光那個係我
其間台上叫男家親友影相, 不過台下既我地既然冇人理會
繼續決戰四方城, 殺啊

到坐埋位已經八點半有多囉
此時mc都係一貫咁講吓野, 介紹吓咁啦
不過mc有一句話嚇親好多人, 包括我在內
mc:  今晚係平晚夜, 如果大家可以的話,
        盡量留到12點鐘, 一齊倒數

第一時間既反應係..... 睬妳都傻, 食飽就走人

跟住到新郎講野, 佢好似騰騰震咁多謝阿媽, 阿爸
跟住到新娘就冇咁騰啦, 不過都係多謝阿媽, 阿爸, that's all
之後仲攪野, 請埋雙方的阿媽上台講野
兩個阿媽一定心諗:  咁大整古啊 衰仔

之後到咗尾段d姊妹話朝早d兄弟遲大到, 要罰d兄弟喎
不過玩用腳夾唔知咩野, 完全睇唔到, 失敗
之後玩玩吓又停咗, 話新娘要換衫喎
到咗11點半左右, 大家都走人囉
完全忙記咗倒數件事

當晚既回禮小禮物

上年小老婆試唔到既甜品, 今晚終於有機會試啦

結婚週年(前篇)

高脂最近成日都問小老婆,結婚一週年紀念
想去邊到慶祝??


小老婆: "我未諗呀?"


高脂(個樣好失望咁) :"之前我咪睇中左帝苑酒店個
聖誕BUFFET既...我打去時已經FULL BOOKING左.
點解成七百幾蚊個BUFFET都咁快FULL嫁!"

小老婆 : "又食BUFFET??
你唔怕食完又瀉呀??"

高脂 : "啋個你巴口"


小老婆 : "咁你想去邊呀??"


高脂比左幾個選擇小老婆(不過d選擇一D都唔特別)
P.S.不過dinner地方到宜家都未諗好!


高脂同小老婆既公司都係放勞工假，所以
26/12要請假先可以去慶祝

唉!又無多日大假...




在此祝各位:

Merry Christmas & Happy New Year！