高脂物體的新電話

高脂終於換咗個新電話啦


其實我對個舊電話真係好滿意, 用咗差唔多3年

d function到現在都仲未太out,

我聽歌聽收音機都係靠佢, 而且個blog好多相都係用電話影的

以家真係好難搵到一部電話可以完全頂替佢, 唔係聽歌音質差

就係影相工能唔ok(老婆指定要我買有自動對焦的)

兩者都齊備的價錢又好貴, 所以講咗都有半年都買唔成

不過近來個電話d制已經失靈, 唔換都唔得


最後買咗部sony ercisson的P1i, 其實部機都幾貴

不過我又覺得幾抵, 用上台優惠只不過係$2,000,不過仲要預繳$1500

已經有齊我想要的野不特止, 仲有小小PDA FUNCTION同WIFI

上網就VERY GOOD 啦, 唔駛同老婆爭

再講今次上台的經過小有地愈快同滿意, 我係PCCW出機

個SALES講得詳細清晰就係D基本應有的態度啦

(不過D基本野. 都唔係間間公司做得到

)

同佢講開NOW TV, 佢仲話幫我即時CUT 有線添

雖然最後我都冇JOIN NOW TV,

不過佢都俾咗個直線我可以打過去有CUT有線

以下小小廣告時間:

因為我覺得D PLAN真係幾平, 所以推介吓

最驚喜第一位: 唔係上台, 唔係上網, 都唔係NOW TV

                          係買電視 PHILIP42"全高清 特價$9999

                          仲可以分期

第二位: 兩人一齊上台, 第二位$50就有1000+600分鐘,

              仲要免$12隧道費, 超短的9個月約,仲送NOW TV電話版

第三位: NOW TV $181睇NOW SPORT + 其他台 (英超啊)

              (不過老婆拎頭話冇野睇, 所以冇裝)



再加一段買機小插曲:

話說坐我地側面都有人出機, 不過出機的係一個小朋友

一個11, 12歲的小朋友

佢出的係俾我仲要貴的K850

小朋友駛唔駛出部咁貴的機啊

玩兩個月就唔鬼見埋囉

個阿媽仲要個SALES教個小朋友用個電話同上網

上網

唔知佢阿媽有冇幫佢JOIN埋上網PLAN呢

如果冇的話電話費就有排計囉

2008的情人節

大家一定會奇怪, 點解小老婆咁耐都唔講吓情人節點過既呢?

係唔係高脂今年辦事不力, 咩都冇做過呢?

當然唔係啦! 今年只不過小老婆唔多舒服, 所以低調小小啫

不過高脂都做足工夫架! 情人節必備的花, 當日9點鐘已經送到

今年的花真係有d失望, 論花費今年係最高, 但係論質素今年係最差


這間花店要列入bad list , 永不錄用
下年決定去番花園街買

花店名稱: 花仔花店 (係荃灣的)

當日其實大家都要返工, 加上小老婆的不適, 夜晚食個飯便回家了

今年並冇訂什麼特別的餐廳食情人節晚餐, 只係去咗italian tomato

仲要係walk in, 不過奇在等咗一陣就有位, 入到去都係食set咗的

情人節$198晚餐 , 初初覺得好貴架, 平時$68就得喎


今次d野高級小小啫, 就要$198

不過算啦, 情人節食貴小小都冇咩所謂


但之後先發覺$198係 for two架喎, 仲要免加一喎, 抵到欄啊


因為d菜色都冇咩特別, 所以今次唔影相介紹囉

新年氣氛在那裡

鼠年又到, 先祝大家心想事成, 開開心心

鼠年行大運


好多人都話以家d新年冇咩氣氛

不過如果大家想搵d新年氣氛, 最方便的當然去年宵市場啦


又不過如果大家怕多人的話, 其實可以去一d 效區的地方

相信仲有好大人會係新年時放爆竹, 應該幾好氣氛


又好似我屋企對住的避風塘咁, 每到年三十晚開始

就開始不斷有人放爆竹直至d魚船出哂海為止(年初三左右啦)

不過d人傻架, 夜晚三四點又放, 早上五六點都有人放架

想訓個好覺都真係有d難

不過新年放一次咁多啫

多d氣氛仲好啦

深圳驚險之旅

今日高脂因為有d工事需要到深圳開會

過往都有公司車接送的, 不過今次不幸地要自己回香港

就係咁展開一段驚險之旅

其實公司身處深圳的商業地帶, 好近地鐵站,

不過第一次去此office又人生路不熟的情況下,

竟然找不到地鐵站的入口, 係有d迷茫的情況下

竟然有個女仔走埋嚟, 心想: 唔通佢知我迷咗路, 教我行番出去

點知剛剛相反, 個女仔原來同我一樣迷咗路, 嚟問我路喎

當時對答的情況:

x小姐: 知唔知xxx係邊到架?

高脂: 吓!  唔知喎 , 我都迷路啊! 咁地鐵站係邊架

x小姐: 吓 我都不清楚(之後佢一路叫住好慘啊, 一路走開咗)

高脂: ...........

之後行吓行吓, 好在見到個地鐵的指示牌, 都冇咁驚

不過哩頭放鬆小小哩頭又開始驚過

落到地鐵站, 行咗一陣, 點解成個站都冇人架

所有鋪又落哂閘喎, 唔個地鐵站未開?

不過個地鐵站搵得我咁辛苦冇理由就咁放棄出番去架

於是便決定深入虎穴查個究竟

原途另我想係一d電影片段

咩戲? 魔間傳奇+生化危機 究竟會唔會有喪屍走出嚟架

直至到轉咗灣, 見到個掃地阿毛係到掃咁地,

有救啦~ 唔駛死啦 有地鐵坐啦 冇喪屍走出嚟咬我啦

但係故事並未就此完結

另一難關~ ~ 買票 ~ ~正等住我

購票機外貌十分正常, 跟香港個d有9成似, 之不過竟然俾佢

攪到我一頭煙, 先講入錢, 竟然只收5元紙幣, 我只得100, 50同

1元的紙幣,偏偏沒有5元,真吹帳

不過係成個地鐵站都冇十個人

的情況下竟然可以輕鬆地找到票務員可以兌錢, 最後我用張50元換

同佢換, 佢竟然換哂10張都係5元紙幣給我,

不過算啦

有得用已經係不幸中之大幸, 唔好要求咁多

好啦! 錢就有啦! 買完票之後, 聽到d錢趺番落個透明個盒仔到

之但係個盒點開架? 我張票呢? 冇彈出嚟既

一片驚慌又

再次出現, 最後申手入透明盒的低部一"了", 錢終於趺番出嚟

而且仲有個綠色籌碼添, 做咩俾個籌碼我啊, 我要的車票呢

真係呆咗幾秒之後先聯想到, 唔通 籌碼 = 車票 ??

我竟然諗到d咁九唔答八既野, 即管行去入閘機試吓

行到去入閘機睇吓搵唔搵到d類似入coins既位啦!

點知部機相當平滑, 完全密封, 就細看機上面既圖案

原來個籌碼用嚟" do "架, 就好似八達通咁,

鬼整佢做咩要整到籌碼咁款, 原全唔合情理

邊個會聯想到籌碼會等於八達通

好在我總明過人啫, 如果調轉係我老豆, 攪成個鐘都未上到車

事實返到屋企同老豆講, 佢都覺得應該係用個籌碼

去換車票先再去入閘<---我返而又覺得幾合情理

奇怪的事仲未完, 成功入閘之後, 坐扶手電梯落去啦

點知個電梯停咗喎, 不過行吓都唔係大問題既

點知一腳踏上個電梯, 個電梯又行啦喎

嘩

咩以家d大陸野咁鬼先進, 我都真係"良良"地

成功返到香港之後幾有安全感, 即刻走去7仔買支

鳥龍茶定定神