novotel buffet

以價錢$200左右食到酒店自肋餐, 選擇真係不多

novotel係其中一間, 位於東涌, 聽聞訂位要兩個月時間

之不過又聽聞食物水準只是一般

只是公公婆婆因為近又覺得平, 所以去一試

6點半去到已經好多人, 二話不說先去排隊拎魚生, 仲要排到好鬼長龍添

好似冇得食咁, 排到我之後發覺款色極小, 只得3種剌身同青口等凍海鮮

不過都ok新鮮, 還可以接受

不想排隊的爺爺取了兩塊well done的燒牛肉 ~ 全黑的, dry 到嚇死你

而細佬取了應節的火雞, 同樣地 ~ 好dry

心諗唔通食完剌身, 就冇野好食可以埋單走人哩??

好彩到我第二轉時見到d燒牛肉又好鬼正喎, 即時拎兩塊啦

加埋個即制寬麵, 合格有餘囉 側面黑都死過d係火腿, 不好吃

之後仲有燒羊比(冇相), 非常多肉汁, 岩哂我拎個食肉獸

其餘真係冇咩特別啦!

而老婆當然主打甜品啦

款式都算多架啦, 不過唔好食囉, 不過老婆又食得好知味喎

總括嚟講以咁既價錢算係岩岩合格

如果問我仲嚟唔嚟?

walk in 有得食就ok既, 等兩個月就 ~~ sorry 啦

今次食自助餐最唔同的更係多咗anson

由於他不肯自己坐定定, 要搵人帶佢周圍走,

總係覺得食得冇咁自在

聖誕後記

Anson係聖誕節回到Mama家後,6299一上來我家

Anson就驚左佢地咁成日痴住我.(其實25-27/12都有來見anson...)
我行開少少都唔得!
仲成日都我同佢係電腦聽歌咁都唔肯落地地

如果Anson Papa係到都好少少,起碼我自己都有d時間
洗碗,整野比Anson食等等!
而6299走左之後Anson又回復好似平時咁周屋走添
真係要想想辦法先得,如果唔係anson到n1時6299湊都唔知點算!
(都唔明個個星期都見一次都驚成咁??)

27/12早上返playgroup今次有水水玩添,
不過有可能anson係屋企都玩得多興趣不大...

BB們返學都有一個同通點,未上堂就已經想放學出去玩
但係聽到下一班上堂鍾響又會自己走入去想上堂喎!

夜晚同我家屋企人+6299一齊去食東薈城食buffet
(buffet個part留返比Anson Papa來寫吧)

Anson好不容易咁比99抱左10秒之後又要找返Mama呢~

食buffet時Anson係咁食...又食麵包,又食寬麵,天使麵,
熟三文魚,Apple等等
Anson食時都會坐下既,食完就要人抱住周圍行

又唔跟6299,最後由公公婆婆Papa,Mama輪住抱佢行
我地食左個半鍾Anson就開始不耐煩,仲攞起我地d外套
示意要走添!最後婆婆+舅父同Anson返屋企先!

P.S.經過3日2夜湊anson,
Anson Papa都頂唔順累到好早就訓左了!

聖誕快樂+結婚3週年

24/12晚上收到公司通知,26/12唔洗返工
即係25/12-27/12要湊anson回家了!
(依家lee個小朋友越來越麻煩+多要求
等我later係16個月發展先再講)

東薈城今年無乜聖誕燈飾,只係有對高跟鞋+袋袋

而taste地下多左個disney位買飛飛!
仲放左2隻米奇.Anson好鍾意佢嫁.

反而女個隻佢就無咁鍾意!

依家每次去超市就係咁位車車...

26/12 結婚3週年
由於老公要返工又要湊anson都無時間慶祝了!

零食櫃

成日都同大家講ANSON好鐘意食零食
原因就係婆婆屋企有個零食櫃
對於勁為食既ANSON來講點抗拒LEE個引誇呢?

 

ANSON就算食飽飽都會去零食櫃找野食
通常ANSON會點人抱佢去自己選野食
如果櫃上面無野想食就自己成個箱攞走
自己坐係地下慢慢選...