不過走的路線就好唔同啦
先講our wonderland , 地點係TST 樓上店舖
裝修唔算好靚, 只係掛咗幾件T係到, 好似幾特別咁囉
MENU上的食物名都改得好鬼死吸引, 都幾驚係個D得個樣搵鬼笨的餐廳
好彩食落都算OK
先嚟小食拼盤, 有蝦, 有炸CHEESE, 洋蔥圈等大路貨色
再嚟焗BLUE CHEESE野菌長通粉, 預期有好強勁的CHEESE味,
點知換來的反而係茄汁味, 真係估佢唔到
不過都算幾特別
此款係素菜蕃茄乾忌廉汁意粉,
寫BLOG個時唔知點解諗唔起此飯係咩味~~
不過肯定唔難食囉
龍蝦汁海鮮意大利飯
充滿龍蝦湯的味道, 不過海鮮就差D啦, 好鬼乾
意大利水牛芝士PIZZA
勁多芝士係面加賣相一流, 不過唔知點解又係冇咩芝士味, 個批仲係脆脆批
SORRY 本人鐘意軟批多D
鵝肝馬沙酒汁青白麵
個名真係聽見都想食, 青白麵其實係波菜闊麵加普通闊麵
個名稱非常西式馬沙酒汁竟然食落極似中式的豉油王炒麵
個晚其實係慶祝朋友生日, 奇就奇在個日間餐廳只得6~7抬客
竟然有4台係慶祝生日, 個晚張合照真係好特別, 竟然影到粒星出嚟~~
之後再講SAIZERYA , 地點係荃灣
格局非常大眾化, 價錢更係跳樓價
芝士PIZZA 一大個 比PIZZAHUT個細批還要大
PIZZA充滿CHEESE味, 不過油略多咗D, 批底勁軟, 岩哂我口味
極賤價$28
吞拿魚蕃茄長通粉, 因為ANSON等唔切, 已經"了"咗D通粉先影相
所以賣相不佳, 此通粉ANSON應該食咗半碟以上, 味道肯定不太差
繼續跳樓價 $22
最尾個碟係煙三文魚波菜意粉, 味道真係OK, 較為貴價的三文魚量亦多
無敵價$26
我仲叫咗一杯無限任飲, 有汽水,LEMON TEA COFFEE收你$12,
自己出水BAR REFILL, 其實真係落唔落ORDER無限任飲都冇人知
埋單免加一只係$88已經飽飽囉
係OUR WODERLAND 剩係個PIZZA都收你$138
想試的話請早, 因為勁多人等位
