濕地公園

星期日見ANSON都好返好多又唔想同佢去太遠

於是同ANSON去濕地公園行下!
點知去到輕鐵既濕地公園站係無遮無掩,
走時先知原來下一個站係有行人隧道仲唔洗晒,
如果去濕地公園記得唔好係濕地公園站下車呀.

去到濕地公園都唔係好多人,有2團旅行團同傷殘人士比較多.

而且個館有冷氣的!有魚睇啦~

有好多動物標本,入面都幾多野睇,
但係有部份館係幾黑的,而且ANSON都有D驚.

係個館到除左有野睇,大D野小朋友其實都好多野玩
有好多義工教人整摺紙同襟章

係出面睇風景區先無冷氣.不過有好多義工導賞團,同人講解濕地公園添!
由於太熱行一陣就返入去冷氣地方了~

而且濕地公園入面仲有個兒童樂園ANSON仲玩到唔肯走

走既時間已經累到訓左!

自從星期日去完濕地公園,奇怪既事就發生
anson已經連續3晚訓訓下覺係到喊,
第2朝問佢又話見到叔叔,MAMA會睇多2晚.
如果都係咁都會考慮去紙紥鋪問下買野燒(當然又係ANSON婆婆攪啦)

老師今日同奶奶講,學校開始會同anson介片了~
仲叫我地帶多幾條褲返去.
ANSON今日係學校都賴左一次尿呢!
而學校由於太多人病了,好返不久既ANSON又開始流鼻水
又比返之前醫生開既收鼻水藥ANSON食住先.

學校中秋&生日party

上個星期四開始anson病左為左唔想佢傳比其他同學加想佢休息多d!

mama就同anson請左星期四,五假.
點知星期一d藥就食晒又未好喎,最後都睇多一次又請多日假.

由於連續多日無返學老師都主動打tel比mama了解下anson有無特別事.
亦同時話比mama知星期三學校攪中秋party,而星期五就開生日會.
最正係唔洗穿校服!而每個小朋友帶一樣食物回學校同其他同學一齊share
mama最後比左個迷你月餅anson帶返學校

其實anson無返幾日學,成日都話唔返學嫁!
不過mama同anson講返學校開party佢又話返學喎...
爺爺嫲嫲送anson到學校門口,anson都好乖自己入學校無扭計
(但每晚問anson返學有無喊?anson一定話有嫁!都唔知係唔係既??)

開完中秋party放學,每個同學仔都攞住個閃燈頭cool出來
原來係學校送的

星期五學校又舉行生日會,anson放學時又有一大袋禮物攞回家呢~

再看書包,有個anson完成左既勞作
(學校自己已經做晒印仔!
每個勞作/書簿學校都已經印左學生名係到,唔洗我地家長自己去做呢)

雖然anson依家無返playgroup不過每次睇返以前d相
anson就一定會話要返teacher king到!

中秋晚會& anson新寵

星期二晚anson mama屋苑舉行中秋晚會
係老爺奶奶到食完飯回家已經見到好多人啦!

anson當然唔執輸走去8下先

屋企由於得4座所以都無大攪,只有幾個攤位遊戲,猜燈迷
亦有大抽獎同勁飲大賽等

anson又係到攪攪震...同佢係樓下行左一陣,玩左2個遊戲就回家了

玩遊戲送既獎品,好實用呢~

好啦!講下anson既新寵先,anson好鐘意佢嫁!
訓覺都要抱住佢.

日日起身就要餵狗食野,飲水
(注意:anson papa當時剛剛起身牙都未刷已經比anson捉住要去餵狗
個樣幾呆滯)

又同佢帶頭飾

又換衫,帶帽

又要探熱,又要貼膠布,日日都好忙嫁!