(其實mama本身都要嫁,不過又請左假湊anson)
婆婆入左來屯門咁mama見下午天氣都暖就帶
anson同婆婆去毛爬蟲館到行下
返到屋企anson訓左(mama去洗衫)
訓醒食小小野又落樓下踏單車
依家anson已經自己識踏啦
(仲叫mama唔好幫佢推添)
anson依家係屋企無穿片片的,今次mama又試下落下面玩
都唔穿片,好在anson都無賴尿姐~
anson玩完沖完涼,mama就開始煮飯
(其實mama平時都唔煮飯的---係唔識煮先真
不過為左anson依家都開始試下煮多D (希望D餸見得下人啦)
mama湊住anson仲要煮到餐飯都算係咁啦~
本身想整埋碟菜不過趕唔切又怕D餸凍晒,最後無整!
anson勁鐘意搾住成隻雞翼自己食嫁
papa就話anson好似食到成個"麻甩佬"咁喎
湊左一日anson mama既精力都消耗晒囉!