名門私房菜

蘇大小姐生日, 又嚟食餐好野

今次地點係灣仔的名門私房菜

叫得私房菜, 就一定有番咁上下水準

點知真係希望越大, 失望就越大囉

先嚟一個杏汁燉白肺, 老實講杏汁唔算香豬肺都唔算多, 味道亦不濃

再加上大量的盬蓋過唔夠味的真相 

情況同爺爺煲豬肺湯因為冇咁多料所以都要落番d鹽掉吓味一樣

不過名門實在重手咗小小

聖子王上有極多的粉絲, 我食咗兩隻, 已經半飽了

不過蒸的時間過長, 聖子老了, 粉絲也吸得太多汁諗了

食聖子都係要去大排檔先至夠風味~ 真係要搵日去攤攤先

素食朋友仔order 的素菜, 聽聞是分開鑊煮素食的, 認真貼心

下面個d係攬菜煮豆角, 其實早兩年係酒樓食過攬角烤骨之後

就愛上咗攬角的味道, 好香, 好獨特~

今次攬菜的味道未算好出, 但仍然好味, 再辣多小小就更好啦

招牌唔知咩雞, 上抬時濃烈的酒味同酒香, 又d似熱食版醉雞

不過大家都知道酒係會除住熱力會揮發的,

而此雞餘下味道就是薑同豉油的香味

又有另一種食法, 不過廚師唔知係唔係忙記咗瓦煲的傳熱能力,

將已經煮得很熟的雞放進瓦煲內, 最後雞跟聖子一樣老了~

 

鮑汁章魚炒飯, 不合格之作, 冇味 ~

同抬的朋友仔通通自行加上雞汁補救 ~ 味道極好

最後的係腐竹白果糖水, 冇錯係同第一張相一樣,

因為我冇影豬肺湯而糖水的外貌同個湯係一樣, 所以拎嚟頂住先

講番糖水, 溶哂的腐竹證明真係用心去煲



總括嚟唔係話佢唔好食～　不過佢都收得都唔算平

所以對佢戾有番ｄ要求

不過希望越大, 失望越大永遠是對的~

復活節@愉景北商場開心王國

Date: 24/4/2011
地點: 愉景北商場

今日帶anson回婆婆家渡假見愉景灣有活動喎!
原來個活動係:
復活節4月22日至24日
OR每月第四個周六、日中午12時至下午 5時，
到愉景北商場，便可免費參加

4月22至24日，愉景北商場更舉行復活節派對，
準備了6個好玩的遊戲，邀請小朋友一起歡度假期。

彈彈跳城堡 - 係彈床+滑梯,anson玩得好開心!

又係入面勁跳又sir滑梯~ (不過由於太曬,個滑梯都幾熱下)

滾動水晶球-係要個人入去個波到行既,anson成日話想去玩大波波
不過佢太細啦!等大d先玩啦!

皇家合奏團 - 多樣的敲擊樂器比小朋友玩!

彩虹波波池 -又係anson至愛之一!個波波池都好大!

高蹺大步操-小朋友要踩高蹺,anson又係未識無玩到!

七彩復活蛋-有隻乜都無既復活蛋比小朋友自己加顏色上去
不過由於都要等候需時,而且又要準備去等車出東涌(30mins/班)
最後攞左個大會已油好既復活蛋~

隻復活蛋係anson自己選嫁!

仲有姐姐扭波波添!anson話要粉紅色bird bird~

今次去完覺得個活動真係幾好,除左唔洗$之外仲要唔算多人
每個遊戲都唔洗點排隊就玩得!
如果唔係咁曬就真係very good啦~

玩緊其間見到d超市出面有個泊狗位,放便d帶狗人士,唔錯唔錯!
平時真係好小見呢 ^.^

復活節假@part 1 (22-23日)

本身anson papa & mama係放勞工假
復活節都要返工,點知mama公司叫放假又要被告放假得一個湊anson!

依家anson次次假日都叫住要去冒險樂園玩波波池!
同擲彩虹,點知anson擲唔中又唔走,之後有個姐姐送左包彩紅糖比佢先走咋.
玩完就去元朗找papa食lunch ,就返屋企囉.

到23/4見天黑黑地又有微雨,anson好開心呀!
因可以帶遮出街囉...

又帶anson去爬蟲館睇蜥蝪同烏龜

再行去圖書館借書

見都差唔多食lunch,同左anson去元氣食壽司
佢好like嫁!仲坐定定自己食唔洗我理

不過衰左佢一見到壽司就係咁叫我攞

假期2日都無同anson穿片片午睡,佢都無賴尿呢!