Pages

2011年8月15日 星期一

開學了@暑期回顧

話咁快anson就放完一個月既暑期囉!
等我回顧下佢暑假做左d乜先~
暑假為左唔想anson無無聊聊同佢報左畫班&英文班.


每星期見anson上完畫畫堂攞d作品比我睇時,
papa同我都忍唔住話: anson係唔係你畫嫁?













英文班係外籍老師教既 (一班6個人)
聽老爺奶奶話外籍老師用英文問anson野,
但anson用中文答人...(真係比佢激C)
不過聽聞佢上堂玩得好開心喎!
(雖然anson係自己入去上堂但老爺奶奶話成日聽到有笑聲傳出)


到星期六日通常都同anson行商場 (因為太熱啦)
去過ikea食龍蝦仔 (個3隻龍蝦全部比anson食晒)
本來想買床墊點知papa見到個枕頭好鐘意,決定買左枕頭先~



又去過沙灘玩沙,仲要係最熱個日去喎!
玩左一個鍾已經頂唔順啦,走呀...累到呢!
最慘就係返到屋企成廁所都係沙,洗廁所都有排洗.




咁快就過左一年了!anson又大個仔左啦!
希望anson今年返學開開心心~



唔經唔覺anson mama都轉左工成個月啦!
依家只係返5日工,放公眾假期(多左時間陪anson添)



暫時我個位都少野做,好多時都係公司坐同發呆多.
要做既野通常都係月頭/月尾個幾日先多野做...
不過教我個2個同事話遲下我d工作上左手,
就得返我一個自己跟!
(以我所知我個位已經成年有多無人嫁啦!只係現在教我個2個同事做埋
可想而知d工作都唔慌多得去邊啦)


2011年8月6日 星期六

黃埔冒險樂園+反斗車王+坐船

上星期日見無乜野做就帶左ANSON去黃埔冒險樂園玩~
點知一入波波池時ANSON已經自己走左, PAPA跟住佢都跟唔切
直至PAPA見到ANSON時ANSON已經喊緊,因為緊親隻手指...


之後係波波池出左來就玩左其他遊戲


唔知點解ANSON好鐘意部巴士,仲玩左2次都仲想再玩


玩轉轉杯,ANSON又唔怕喎!


ANSON其實係為左部大火車而來既~
之前荃灣都有嫁點知依家無左...
玩完之後就落左海港城食LUNCH同反斗車王影相


估唔到得一部車,有D失望...



走時見ANSON未坐過船,於是同佢搭下船過灣仔先坐車返屋企啦~



ANSON期待上船中...


上左船坐定定


船係海到行緊,大風到ANSON打唔開隻眼