anson學校open day

今日係anson學校既open day,年年mama都要返工去唔到,今年終於有機會去了~

今年萬聖節斗篷比賽得獎作品


anson上堂既課室

今年k1既教材

學校仲準備左好多遊戲比小朋友玩

anson上年n1既課室

基本上去到大部份miss都識佢(有可能佢讀全日啦!)
個個都話佢好多野講(原來anson係學校都係一個多嘴怪來既)
有時仲幫手照顧同學(都唔知係唔係既?)!食飯食得好好!仲有時會食完再要添~

今次open day學校仲整左喳咋! 學校d嬸嬸仲問anson好唔好食添~

玩完晒!抽獎~

今次去學校open day既戰利品
好可惜今年無開放 學校既另一邊比我地參觀(學校用左來做interview)
仲想睇下電腦室+anson午睡既地方呀~

菠蘿油走冰

平日的早上, 往常地接完anson吃我的大早餐,

冇幾耐對面一個男人座下, 樣子白靜後生, 衣著整潔, 絕冇異樣

之後就order 佢的早餐

他先叫一個雞翼麵不過要求d麵煮得"極諗身", 佢十分強調並用力說出個" 極" 字

之後就叫咗個冰火菠蘿油 (間茶記的特色野, 真係咁寫係餐牌), 不過佢竟然要求走冰

我跟同抬另一個食住麵的男人帶住疑惑的眼神同時間抬頭望向那男人,

相信我同另一個男人心入面都是想'" 點走冰啊??"

更利害的係侍應完全照落order , 沒帶半點疑問~

最後個男人叫埋凍奶荼 ~ 小奶小冰小甜

冇幾耐, 他的麵來了, 不過他非常肯定不是他的!!

他再次強調佢要煮得極諗身, 碗麵咁快到冇可能係佢既~

同抬的男人同我再次望向佢, 無言~

不過, 那裡的侍應eq 真高, 沒出聲就將麵拎走

之後他的冰火菠蘿油來了, 待應今次大聲地說出冰火菠蘿油走冰

眼看不到跟其他的有什麼分別, 跟住他的麵也再來了

有冇煮過另一碗? 唔知 !   有冇加料?? 都唔知不過但願有!

他滿帶笑容的舉起他的手, order 了一支茄汁

侍應的eq 終於超越她的極限, 以恥笑的語氣問那男人" 茄汁用嚟點菠蘿油啊?? "

不過男人並冇回應, 他之後大量地將茄汁搗進他的麵裡

看到這裡我的早餐已經食完, 再用極速飲埋我個凍奶茶逃離現場

避免不必要的危機產生, 我起身之後他的凍奶茶來了~  深啡色的, 賣相恐怖!!

星期天. 市中心. 放船.

星期日, 市中心, 放船 ~ 不過唔係我地放, 只係睇人放

papa 咁耐都係第一次睇人放船, 原來個到d 人 個個都pro 到不得了

如果去反斗船買隻船仔去放, 一定比人恥笑

之後見到架勁大的新渡輪, 架船肯定係自制, 我估超過1米長

而且唔只識得行咁簡單, 仲機關多多,

首先見個哥仔將d水放入個煙筒到, 初時都唔知佢做咩

以為用嚟冷卻d機件 , 原來我大錯, 等咗冇幾耐煙筒竟然出煙

煙筒用嚟出煙咁理所當然既野我竟然諗唔到

架船仲識噴水, 噴水並唔奇, 奇就奇在個哥仔係用搖控噴水

勁到無野好講, 仲有架船唔係得個樣而且仲有內涵

指的係內部裝飾, 三層高座椅全部都齊哂,

唔知位高人用咗幾耐完成首船

睇睇吓船竟然仲見到其他野係水中出沒

可能大家睇唔到, 係一條shark, 而且唔係玩具咁簡單, 竟然又係可以遙控

不過更攪笑既係, 條魚比船撞到反肚, 要搵其他船撞反正佢先游到返嚟

完來睇人放船都咁好睇, 大家有機會都去睇吓啦~

屯門市公園其實都幾好行, 又有爬蟲館, d花花草草都好靚架

仲有遊樂場, 不過都幾dirty又多蚊

小機場大學問

今日anson 參加咗機場舉辦的" 小機場大學問" 做個小機師

因為我地遲到的關係, papa 要用極速換制服,

anson 因為都想快d玩的關係, 極度合作, 平時返學有咁快就好囉!!!!  

之後發生咩事要anson 先知啦, 因為全程冇得睇佢玩d咩~

不過見佢出嚟都幾開心, 應該都好玩既,

之後11月做特警, anson 都好期待再玩架!!

唔知張相影咗幾耐先影到哩~

做特警的小朋友, 準備去第二個場玩,
下次anson 都會玩, 不過d制服cheap d 喎!!!

anson 行最頭, 仲要阿sir 拖住, 可能佢係全場最細~

之後接龍咁出番嚟, anson 好似勁開心咁!!

左望望冇我份

右望望又冇我份

終於都anson 啦!!

大個仔畢業啦~~ 

免費GODIVA朱古力

早排見上網玩GODIVA 問題遊戲,送2粒CHOCOLATE
於是就去玩下~mama換左2粒朱古力(1粒比左papa,1粒比左anson)
anson見到粒朱古力一啖就食晒,仲話好好味添!

新版yahoo blog ~ 垃圾級別

岩岩轉用新版blog,高脂物體評級委員將y blog 由負面降致垃圾級別
展望仍然負面, 短期內不會考慮重新評級

有得update其實應該好開心,好似個電話咁,
每次update 都有開心大發現
點解y blog 可以只係轉咗版面之外, 可以咩都冇變過!!!!!!!!!!!
仲用咁十幾年前的哈哈笑icon!!!!!!
update 之後有舊野彈出嚟話update 完就會自動消失, 本意係好事
點知等咗一日一夜都冇消失到,
直至有friend 講" 唔係喎, 我都睇到哂你個blog 啦"
先知原來已經update完,
但係舊話會update完自動消失個舊野仍然存在!!!!!!!!!!!!
仲有我只係up 張profile相啫, up 咗3次都唔得,
去咗yahoo profile upload先知有1mb 的限制
之後再up 置頂的banner 張相啦, 今次醒啦, 睇咗限制先up啦!
點知up 咗3次又係話我唔up 唔到fail, 火滾到我哩!!!!!!!
去番photo 睇原來張相竟然已經成功upload, 仲要係有3張,
即係話3次都得, 但竟然3次都話我fail, 頂佢
之後已經冇心機再試新blog~

人地google 就一日千里, yahoo 仲係原地踏步
google 的blog 已經有中文版,不過仍然小人用,等多d人用,會考慮轉會~
講開google 原來我已經不知不覺間用咗好多google 的產品:

mobile ~ google android
電腦上網 ~ google chrome (代替explorer上網用~推介)
網上相簿 ~ picasa (勁多function , 又夠快)
網上音樂 ~ google music(將自己電腦既歌放上網,用電話可以聽番)

沙田市廣場

上星期日原本想同anson去黃埔冒險樂園玩火車,
點知papa話太遠唔去了!

最後去左沙田行下~
本來想去snoopy land點知又落雨同1號風球無開到.
係沙田市廣場影左陣想,又去返宜家食lunch!

食完anson又係指定動作,入去宜家既遊戲室玩~
之後行左陣就返屋企了!