Pages

2011年11月29日 星期二

Lunch buffet @朗豪酒店the place

11月份係anson papa既生日!
由於papa生日係平日來既,於是mama同anson就同papa提早慶祝.



mama今次book左朗豪酒店@the place食lunch buffet


因為知道lunch有生蠔食(papa鐘意食嘛) 仲食左一打添!


最重要係4歲以下小朋友係free的~



之前上網睇過食評好似麻麻地,都有d擔心嫁!
不過去到都見full booking,
熱盤方面食物唔算多,味道一般啦!





甜品方面好多款~



anson就最開心,因為有得食雪糕呢~
d雪糕唔知係唔係hotel自製同平時食既好唔同&好好食!


食完勁飽papa連夜晚都食唔落!




















2011年11月23日 星期三

再嚟~ 小機場大學問 ( 特警篇)

早前anson 已經玩過機師, 所以今次佢更加興奮

papa同anson換衫個時講 " 我好緊張"

不過我一d 都唔覺得anson 緊張囉, 鬼咁輕鬆自在











今次特警套制服冇咁型仔, 話anson係一個飛機維修員似d

而且s 碼件衫都勁大件,  不過影相就出睇唔出囉

另外機司的冬季制服就更加老土, 似件校褸多d

不過唔緊要, 自在玩吓啫

不過玩咩又係要anson 自己先知, 因為大會建議家長唔好入去睇

免得影響其他小朋友!!!



一如所料, anson 玩得勁開心, 不過問佢玩咩, 佢只係講咗有波踢~

之後我地係機場食埋飯先走, 仲食咗甜品添, 不過d野好鬼難食~


2011年11月16日 星期三

攪鬼anson


事件一

話說到咗訓覺時間, anson 都已經自動自覺走上床

點知mama 仲係廳到睇咁電視, 冇去培anson 訓喎

anson 叫咗幾次mama訓覺都冇反應

竟然粒聲唔出咁走埋去電視機到息咗佢喎

無奈的mama 只好乖乖咁跟住anson 去訓覺

anson依招真係絕, 叻仔!!


事件二

anson 飲水時掛住玩, 搗咗d水去mama 頭上面

anson 當時到知衰架啦, 即刻同mama 講" 對唔住啊mama"

mama 帶有怒氣咁話" 講對唔住就得架啦??"

anson 諗咗諗之後講" 好 對唔住啊mama"

papa係隔離聽到笑鬼死~



事件三

anson 冇啦啦會同papa 講: papa 我今日好乖喎

papa就會問: 係啊~ 今日你好乖啊? 咁點啊??

anson: 不如請我食糖啦~

事實個日anson 又真係幾乖, 冇俾人鬧過先會咁問papa

papa 通常都會答應佢



現在的anson 都好鐘意做功課, 好乖咁會自動拎功課出嚟做

不過要息電視先, 如果唔係好似張圖咁分哂心定哂格咁睇電視囉





2011年11月14日 星期一

K1學校旅行@沙頭角農莊


11/11 anson學校旅行日
papa & mama請左假同anson去旅行
而今次旅行既目的地係 : 沙頭角農莊









由於要申請禁區証先入得
好在學校同我地攪,唔洗自己申請


由於旅行前幾日都落雨,去到農莊有d地方怕小朋友行上去會危險
所以有d地方都無機會參觀到...



去到係農莊既少範圍行左個圈


之後小朋友們就攞左d白菜種子


去種白菜


之後就去睇羊BB (隻羊仔出世左10日咋)




仲有隻大羊仔,個個小朋友都唔怕,走去餵羊


玩左一陣就準備食盆菜


個盆菜都好多料,我地個圍都食唔晒


食飽飽anson就同papa去左草地到玩




mama就行左去八下有乜野有機食物買,有蕃薯


粟米,菜


仲有米添 (d米去穀中)


玩左一陣又準備整茶果啦~


papa的作品


我地一圍既茶果作品,整好就攞去蒸了!



等食其間anson走左去玩水火箭,學校仲安排左放孔明燈


茶果蒸好後.食完仲有蕃薯糖水食!
之後又安排小朋友睇新鮮花生 (當然有得買啦~)


今次旅行主要活動範圍唔大,不過就唔洗好似n1咁成日要坐車周圍走!
papa就覺得今次旅行都幾悶,但小朋友們已經玩就好開心了~
mama最後買左有機蕃薯(好食),粟米(食過超甜),米



去完旅行之後學校又比左個難題mama,就係要做繪圖比賽


幾經辛苦終於完成左!


p.s.去旅行時anson已經作病中,諗住睇下佢會唔會自己好啦!
點知唔得,星期六睇醫生食左2日藥都唔得,
星期日晚仲係咁咳,條氣管仲有d喘!
星期一又睇多次醫生...anson隔個星期就睇醫生,
唔係又好似上年咁,睇到放暑假呀?

2011年11月4日 星期五

anson 在媽媽肚子內的回憶

回憶這兩個字ANSON 當然未懂啦

至於佢會不會去回憶美好的事, 我估~     佢會吧~

最小ANSON 會記得昨天俾PAPA 鬧過, 也記得去過廸士尼慶祝生日

PAPA 最近問了ANSON 一個盤古初開的問題



PAPA:  ANSON 你記唔記得你係媽媽肚入面個時係點樣架??

ANSON: (想了一會, 之後好認真同細聲咁回答) 好靜架~

(當時PAPA 好驚訝~ 竟然真係記得個時的情況)

PAPA:    好靜架?  咁聽唔聽到媽媽講野架?

ANSON: 都聽到既

PAPA: 咁你係媽媽個肚到會做咩架?

ANSON: 玩手指囉~

PAPA: 咁係媽媽肚入面係唔係好黑, 咩都睇唔到架?

ANSON: (好肯定回答) 唔係!! 好光架~

PAPA: 咁睇唔睇到野架?

ANSON: 睇到架

PAPA: 咁睇到D咩??

ANSON: (開始陰陰嘴笑,   之後答)          玩具~~

PAPA: 哦!! 原來你作既!!

ANSON 之後就大笑, 傻PAPA 竟然之前信ANSON真係記得