anson第一次上台表演@ 學校聖誕大派對2011

今年anson 學校的派對由papa 出戰, 睇住隻衰仔

聽聞上年的party係操場舉行, mama 追anson 都追到氣咳

今年的party改為係另一間小學的禮堂舉行, 有得坐吓舒服得多

一入禮堂先搵個位座低, 岩岩放低個袋就有個小女孩走過來

要同anson 一齊座, 睇嚟anson 係學校都幾受歡迎

再回番小小帶, 那朝早上anson 其實話唔去開party

原因係話有小朋友蝦佢, 問咗幾次之後, papa 話幫anson 同老師講,

anson先至肯去開party, 所以個日既另一個目的就係去點相

原來蝦佢既小朋友, 正正座在我地前面,

一個男孩子, 面部竟然有多處捐傷, 看起來似是給人抓傷的

我係到諗會唔會調轉係佢俾人蝦啊???

不過開party 冇幾耐那小朋友已經整喊了兩個同學仔,

而聽她mama 的口音, 原來又是一個大陸人

再睇番anson 的表現, 絕對唔怕那個小朋友

還跟那個小朋友爭位座  睇嚟個仔都冇咁易俾人蝦到~

大家唔好誤會, 唔係下面張相那個小朋友

聖誕party 開始前, 老師跟我說, 你地幅畫得咗獎啊~ 一陣要上台拎獎喎

我諗咗一陣先記得原來係這幅!!!

拎完獎之後就到表演環節

依班只係k2 的小朋友, 跳起上來, 有聞有路, 仲好齊整添

原來已經訓練已久, 仲準備出外參加比賽添, 怪得之啦~

睇完之後, 老師叫哂k1 的小朋友出去排隊, 完來anson 都要上台表演啊~

個時papa 好後悔冇帶一支zoom 鏡, 只能遠拍

希望到時學校會比番段片我地睇啦

佢地既表現雖然冇k2 個班咁整齊, 不過都叫有板有眼架啦, 最小冇人怕羞同喊先啊~

之後就到幸運大抽獎時間, 禮物之多, 足夠2/3 班人中獎

但係抽獎時間過咗2/3 都仲未抽到anson, 之後佢同papa 講" 我好傷心啊" 仲帶有小小淚光添

抽到大獎最last 個份, anson終於得獎, 好彩好彩, 如果唔係anson大喊都似

抽獎完之後仲有一個環節, 就係用一d環保物料去整架雪車

時間好似只係得30分鐘左右, 難度之高一定係5星

d環保物料真係得d 樽同廢紙, 不過d 家長真係好勁,

個完成品竟然係座得個小朋友落去

今年的party 認真好玩, 3個小時話咁快就過

anson 總供得到3份禮物, 滿戴而歸

而學校假期除住聖誕party 完了之後亦到正式開始了~

祝大家同anson 一樣有個滿載而歸開開心心的聖誕節

小南國@屯門

屯門近排開咗好多新食市, 大部份都好吸引

之但係大部份都走中高檔路線, 可惜

近排試完一間裝修超華麗的上海食店 - 小南國

價錢非常進取地高, 差d以為自己去咗尖沙咀 / 金鐘 / soho 既高級食店

因為新開既關係, 人異常的多, 不過我包保好快會冇人去

想知點解?? 繼續睇落去就知道

一入到去真係覺得好grand , 白色的主調加上古舊的吊扇

另人想起舊上海

看看餐牌, 相片中的食物都好吸引, 價錢貴一點都覺得理所當然

 不過吃普通的食物, 例如小籠包都還算是合理的$28 (三隻)

滿心歡喜地決定了要點的菜, 舉手示意不久侍應就來落單了,

到這一刻美好的事情通通都完結了, 惡夢正式展開

落單不久, 開始發覺言語上溝通出現問題, 原因很簡單

侍應說的廣東話比anson 的bb 話更加難聽得明

侍應不繼地講, 我就不繼地"吓!!  咩話~ "

係靠估同不繼"吓" 的情況下, 終於落完單

兩分鐘不到, 前菜冷盤已經上到, 異常地有效率

望清楚d, 嘩~ 連糖醋骨都上埋, 我第一時間問, 熱唔熱架??

侍應上菜後, 好細心咁講咗段野, 大約估係小心個生煎包d熱湯呱~

一咬之後, 完全冇料到, 熱都唔熱吓, 唔通我聽錯!! 味道其實是ok 可以的

再講番個糖醋骨, 水準只是緊緊合格, 肉非常的" 鞋 " 好肯定是煮得太久之過~~

 再來的都是大路野, 我連拍照的興趣都提不起, 如果唔係有人叫我繼續拍

上面個幾張相大家應該都見唔到

其實味道唔可以叫差, 不過好明顯來料全都是下價貨,

好似那條松子魚應該還是bb, 細條到不得了,

汁非常的多且濃且怪味!!! 絕對唔係正常味道

八寶鴨侍應話幫我地分, 見佢手起刀落, 隻鴨還是完完整整的

只知唔見咗層皮, 說好的分菜哩??? 唔通我又聽錯!!!!

那個雞絲粉皮, 樣貌有別於我食過既粉皮, 但味道係同其他是一樣的, 今次又古佢唔到喎

小籠包係上海店的靈魂, 連這個都做得唔好, 應該都唔會繼續生存到

上抬後, 侍應又叫我地小心熱湯, 如果佢廣東好d 絕對可以加番d分

可惜事與願違, 另外小籠包熱與唔熱, 好食唔好食我都唔係好肯定

因為我夾咗三隻, 穿咗兩隻, 唔止我失敗, 其他人都係同一命運

最後大家唔飽, 加了個雪菜炒年糕, 等了20分鐘才來到

買相跟menu 的一樣, 但除了雪菜外什麼也沒有了, 連味道也沒有!!!!

好一個清炒年糕, 價值$88

這餐5個大人, 一個小朋友 叫的已經不是什麼名菜, 埋單都差唔多$1000

食物水平同服務質素的分數遠比裝修分數低, 再加埋一個不合理的價錢

又一間可以bad list

親子冬日「身」親驗@ johnson's baby

 每年既秋,冬天anson mama都有個煩惱
就係anson同我d皮膚都dry&痕成日係到"R R R"

今年得到johnson's baby既邀請,有機會出席親子冬日「身」親驗既分享會

大會仲準備左飲品同茶點~

仲請左何慕清醫生來到講解
原來嬰兒既皮膚比成人的薄30%,敏感度亦比成人高超過10倍嫁
由於冬天濕度變低,皮膚更容易流失水份,如果唔保濕,皮膚容易脫皮,敏感,痕癢

醫生比左d建議我地~
-嬰兒身體雖然細但汗線數目同我地成人一樣多,而且新陳代謝快,
好容易流汗亦即容易流失水份,所以要持續同佢地既皮膚保濕

-洗澡後的3分鐘內使用護膚露,原來最容易讓皮膚吸收,阻止水份流失
(日後沖完涼要即刻搽lotion先得~)

-搽潤膚露保濕同時亦可以提升親子關係,eg)一齊洗澡,同BB搽潤膚露/按摩肌膚,
原來能夠增加BB的安全感同彼此之間既距離
(唔怪之得anson咁鍾意同我互搽潤膚露,又咁鐘意同papa一齊沖涼啦~)

-BB除左面,手腳要保濕外,身體其他部份都唔可以忽略嫁!eg)屁股
因為BB穿左片成日屁股仔都同片片摩擦到,所以最好每次換片都用lotion/
有lotion成份既濕巾同佢地滋潤&保護返個皮膚!

聽完醫生既分享,大會仲安排左個親子活動比大家~就係Art Jamming
準備好顏料同畫,2父子齊齊穿上圍裙

初初都畫得似模似樣

點知mama去完個廁所返去一睇,幅圖已經比anson攪到面目全非


最後由papa加多幾筆,成為左anson第一次既大作!

各blogger既畫都畫得好靚呢~

大會仲請左余思敏擔任今次畫畫比賽既評判及分享湊BB心得~

 

 畫畫得獎blogger仲得到豐富獎品添~


係今次分享會上認識到點樣選擇適合anson &自己既保濕產品
而且johnson's baby有多款產品選擇,而且產品性質溫和及經過醫學同敏感測試,
高脂一家都可以好放心使用呢!
今個冬天唔洗再成日R來R去啦~

另外johnson's baby既網站亦有好多好實用既懷孕&嬰兒護理資訊
有興趣可去以下網址睇睇: http://www.johnsonsbaby.com.hk/


 

開花@秋英

不經不覺盆秋英都種左2個星期多了!
估唔到佢都長得好快,仲開左花添~

IKEA X'MAS 2011

話咁快又一年, 仲記得上年ikea 為我地帶來的驚喜

今年ikea 更派出熊bear bear 為我地送上驚喜

依隻熊bear bear 更大有來頭

佢係宜家家居毛公仔助學行動代言人嚟架

如果大家想帶佢返屋企, 或者買一隻送比小朋友做聖誕禮物

宜家會捐$10到 " 救助兒童會" 及 " 聯合國兒童基金會"

買禮品之餘仲可以幫到有需要的兒童, 真是一舉兩得

如果大家24號前都冇時間去宜家帶熊bear bear 返屋企都唔緊要

只要去facebook 成為 ikea 的fans, ikea 都會額外捐多$1俾有需要的兒童

大家click 完記得同好友share 啊~

講番熊bear bear 為我地大家帶來的驚喜

上年聖誕gingerbread house , anson 仍然好記得~

一聽到gingerbread house 就講要放m&m 上去裝飾^^

證明依個親子活動anson 真係好鐘意

大家未諗到有咩聖誕親子活動, 就要試吓買間嚟玩吓啦~

間屋好似模型咁要自己diy, 加裝飾品, 小朋友一定好有興趣玩

有得食之餘仲可以感受聖誕氣氛,又可以親子一齊做, good!!!

另外大家係唔係見到支酒哩,大家一定諗ikea 有出酒既咩?

完來個支唔係酒, 係一支瑞典特飲(試完話俾大家知好唔好飲)

另外仲有薑餅同希靂魚洋蔥焗薯仔( 睇見盒面就真係好期待)

睇嚟高脂family 可以準備一下聖誕大餐啦!!!

預祝大家聖誕節快樂

一人一花計劃+親子聖誕襪

今年anson學校參加左康文署舉辦既一人一花計劃
種既係: 秋英

由於學校派返來個晚,我地一家出左去食飯.
老爺奶奶又無講底學校派左棵野喎!
好在夜晚見到咋!
(最攪笑問anson學校係唔係派左盆植物?
anson仲要話: 無呀 >.<)

朝早papa見盆秋英好似謝謝地,當日就去買齊d用品
同盆秋英做急救!

依家都種左成個星期了~

而學校又舉行左個親子聖誕襪比賽
做左我幾個鐘~

SAIZERIYA (屯門新店)

SAIZERIYA 終於進駐屯門, 高脂物體居於屯門當然要踩踩場啦

之前已經食過荃灣店, 價錢低得嚇人, 平到完全不敢對食物抱有期望

但求放得入口就算, 不過試食之後發覺水準絕對可以接受

今次屯門店位置十分隱蔽, 加上冇咩指示牌同水牌, 唔係屯門地膽真係勁難搵

店舖都算大, 座位相當闊落, 唔會好似D平價食店咁迫到唔想入去食

打開餐牌仍然平到笑, 未有因通帳大幅加價, 相當抵讚

可惜之前的$9 意大利包已經變咗法包

 

全場最貴的海鮮PIZZA $32 已經有三文魚 / 蝦同其他海鮮,

不過味道一般, 因為冇咗茄味, 建議食無料的水牛CHEESE PIZZA, 應該仲好食



左起吞拿魚長通粉$24 有水準之作, 係燶咗小小啫

中間煙肉焗薯仔 $16 大量CHEESE 焗起上來好香, 不過D煙肉冇咩味

右邊蜆肉竟然又係$16 , 味道比大部份日本餐廳的清酒煮蜆都要好, 推介!!

再嚟個甜品, 一球雪糕$12 好似貴咗D

望真D, 竟然係DREYERS品牌, $12 去7仔買杯都要咁既價啦~

依餐連任飲一杯只係$112, 已經食到我地一家三口飽飽又滿足
大家真係唔好諗住去食好野, 當食一個平價LUNCH或者DINNER 的心態會好D
當我去大家樂食個死人茶餐都要$20
SAIZERIYA $1X已經有4隻(好似係) IKEA 又係$19 4隻
點解大家樂CHEAP到得一隻全翼, 仲要難食到爆!!!!!
所以高脂PAPA 長期放大家樂係BAD LIST 第一位真係冇錯
SAIZERIYA真係一間好有良心的餐廳, 我估佢地所賺的真係好有限
希望大家多D支持吓啦~

 

朗豪坊@hello kitty

食完buffet我地就過返朗豪坊同hello kitty影相

不過勁多人排隊,而且個場勁細





所以都係影左幾個,頂唔順走了!