anson papa出水痘

篇blog都幾長,我想呻下 (有心機就睇啦)

其實係年二十九anson papa去完老爺奶奶到食飯做節
返到屋企已經話有d頭痛,諗住係比風吹得多吧!
食左粒必利痛,papa就好早休息了!

大年初一anson papa就有少少發燒,不過都唔係太高都係37.7倒
但papa又覺得乜事都無喎!
咁之前睇開醫生都有d退燒藥,周圍都無醫生睇,食住先啦!
之後就去拜年 (好在我地通常一日就拜晒,之後唔洗再周圍去)

到年初二,anson一家又要去老爺奶奶到開年食lunch.
papa又好似無乜野喎!到食完lunch訓完午睡,
anson通常就同papa一齊浸浴既~但papa又話唔浸喎!
咁mama當時望多papa二眼見papa條頸咁多紅色粒粒既?
之後叫papa比隻手我睇,又有少少喎!再睇心口同背部都好多呀!
不過papa話唔癢,即刻同papa去左睇醫生,原來醫生話anson papa出水痘呀!
(我心諗係唔係呀?因通常我地細個都多時都出左嫁嘛)

咁我就打tel去問下奶奶,老公有無出過水痘?
奶奶話老公細個比人湊,有無出過水痘都唔知喎! (我聽完"O"嘴中...)
又話老公細個打晒水痘針!唔好玩啦,我地細個邊有水痘針打嫁!
又話我唔知比乜藥佢個仔食,食到敏感咋!叫老公用豬油膏沖涼,
叫我唔好乜都咁緊張喎! (你估出水痘係我話嫁,係醫生話嫁)
我聽完奶奶講野,我已經唔想再同佢講多句,因為講乜都晒氣!

本身mama都想留係屋企照顧papa (因mama細個已經出左水痘)
無奈地anson mama依家大住個肚怕d菌傳左去細個個到.
同papa傾過決定mama+anson返婆婆屋企住住先,等papa好返先返過去.
mama亦問anson去婆婆到定去爺爺嫲嫲到,anson自己都話去婆婆到~

咁papa同奶奶講mama+anson返婆婆屋企住住先,佢一聽到又發牌氣!
老公差d同奶奶嘈交!平時湊又唔見佢咁落力...
奶奶嬲係因為我帶anson去婆婆到唔去佢到之嘛！

到年初三,papa d水痘開始連面&頭都有啦!
奶奶一早又打電話比我
(永遠有野問就打比我,心諗又唔打比我老公,勁唔想聽佢tel)
又係問下老公點,又八下我同anson點!
之後下午婆婆&公公就買左d烏冬,餃子,白麵包,火腿...比papa係屋企食
因婆婆話有水痘唔吹得風,而好多街市鐺口都未開
婆婆又買唔到莞西(話用來煲水抺身好喎)
婆婆見papa都有西藥食緊就買左2支養和堂庶水比papa飲先
(因mama細個出水痘都係飲庶水/紫草蓉)
另外又買左支油比papa,親戚介紹嫁,話d水痘結蕉癢時用好止癢喎!

等星期六婆婆會再煲庶水比papa飲,mama再過去睇papa好晒未!
依家無見papa一日,mama & anson都好掛住papa,
anson仲話最鐘意papa湊佢!
希望papa快d好返~


p.s. 如果有小朋友未打水痘針,我都建議快d打返,
醫生話手痘潛伏期係14-21日,我同anson都唔知會唔會中左都唔知添...
其實anson打左如果佢出我都唔係太擔心!
反而papa無打過,真係出好多呀,成身同面都係呀!
(如果我知papa未出過水痘一定捉左佢去打針)

ikea新年禮物

上星期收到ikea送來既新年禮物!
今年ikea 推出的新年龍系列,紅噹噹夠哂應節~

圍裙,地毯,面巾,餐墊,利是封 (等我初一同佢地剪彩先)

大家有興趣就快d到宜家買啦~

Anson上學期的K1生活

話咁快ANSON就快完左K1既上學期了,學校今個星期舉行左家長會

miss話anson係學校既表現都好好,好多野講,教左既野好多都記得既,
有時仲找他幫手做野,自理能力亦好好~

普通話評估都好ok

英文估唔到佢全部都識喎!

學校亦比返anson上學期既學校生活既活動相比我地~
唔睇都唔知原來佢係學校都有好多活動呢!  (由於太多相了,只選了一部分post上來)
三文治小食嘗試

造燈籠

中秋節活動

公益金捐款

吹泡泡

圖鴉

探索實驗

搓紙球

擲豆袋

旅行日

清潔比賽規則及清潔校園

牛奶杯

獅子面譜

生日會

睇廣告+搜集

聖誕大食會

聖誕節慶祝

萬勝節活動

製作邀請咭及海佈

貼書包

做面譜

音樂活動

親子利是封設計比賽

12月anson學校先整完個聖誕襪設計比賽,諗住可以休息下啦!

點知1月頭又收到通告又整個利是封設計比賽
(學校要求: A4紙size & 用不同既環保物料製作)
仲要得1星期多幾日整添...
攪到anson mama又要"r"爆頭諗下點攪好

最後mama諗左係個利是封到整全盒
先用舊利是封貼滿張A4癈紙

之後就用癈紙做全盒
做完全盒當然要整d野食放入去啦~
mama就用左d不織布做紅瓜子&黑瓜子 (唔多似既瓜子)

之後就用d癈紙+紫菜既銀色袋+之前學校送禮物既膠袋做左d糖
(anson見到d糖仲問我食唔食得...)

而最後一格mama諗唔到放乜好,最後買左d朱古力食,食完用癈紙做返粒朱古力放入去

而中間個格就由papa & anson攪,佢地做左個桔放係入面! 個桔用左癈紙+泥膠做既
而全盒個福字就剪左屋苑送既月曆貼上去反正唔用都係攞去回收嫁啦!
完成圖~ (真係少d腦汁都唔點呀!)

kids power親子智能部落@香港保護兒童會

香港保護兒童會每一年都會係太子舉行kids power親子智能部落

Kids Power是一個專為0-6歲兒童及家長而設的遊樂學習平台，
活動佔地4萬呎、有超過20個親子遊戲坊。
利用有趣、多元化的途徑，激發小朋友的8大智能
(身體動覺智能、操作智能、語言智能、人際智能、視覺智能、聽覺智能、觸覺智能、空間智能)，
並教授家長把經驗延伸至家中進行，替家長打造出優質的親子時光﹗


因為年年都好多人參加,今年仲要抽籤添!(好在抽到有得去咋)
我地選左10:00-13:00既時間,不過我地11:00先到達.
遊戲區有4層,不過我地唔夠時間只係玩左2層咋!

我地係地下到玩左非洲鼓


又做左足部+視力檢查
anson仲有少少扁平足,要等佢仲再大少少再check


而背部方面正常,左右都對稱!不過要keep住留意呢~


視力方面,anson有少少遠視同散光,又係要keep住check啦!


之後就出左公園到玩左一陣



再上1/f到玩運雞蛋


同畫畫


之後又去左廚房工場




其實仲有好多遊戲玩嫁,不過有部分anson唔肯入課室玩
而且又就來夠鍾,走時仲送左好多野呢!

希望下年可以再去過啦~

anson參加同學仔生日會

2/1 anson得到同學仔邀請參加生日party
由於同學仔都係附近住多,今次都係係景新會所都攪生日party

去到生日會場anson就同同學仔先到會所玩陣先

仲有夾糖機玩

之後就食野~ (不過唔記得影相添)
再有魔術哥哥表演魔術同玩遊戲同扭波波

係睇魔術時估唔到anson全程坐定定仲睇得好投入添

睇完表演係時候切蛋糕啦~

今次生日會anson玩得好開心呢~多謝同學仔既邀請呀!

p.s.之後我問anson生日想開生日會定同mickey mouse食飯
anson諗都唔諗就話要同mickey mouse食飯