BMW兒童交通安全城

日期： 2012年2月26日(星期日)

地點：中區遮打道行人專用區

 

多謝PR姐姐邀請高脂一家參加,寶馬汽車有限公司舉行既「BMW兒童交通安全城」

今次活動目的是要提高兒童的交通安全意識，讓孩子在活動中學習交通安全知識。

由於今次活動只係比小朋友自己上既,大人唔陪得,對獨立既anson來講一d問題都無~

今次活動劃分左四大區域:

1)BMW兒童交通安全教室: 讓兒童認識路牌標誌、交通燈與人像燈等基本交通安全知識
入去上堂前每個小朋友都派左本書仔~

入去上堂了!個個小朋友都好留心聽書呢~
回家後問anson都講得到比我地知,點樣過馬路同睇交通燈先至正確!

上完堂,小朋友都急住去第2區啦~(其實係掛住玩先啱,haha...)

2)BMW兒童駕駛天地: 讓兒童在模擬城市中輪流扮演駕駛者及行人角色，更可駕駛 BMW 單車或幼兒車。

成班小朋友先分成2組: 一半做行人,另一半做駕駛者
anson就先做行人,學睇燈過馬路 (成個路人甲咁~)

做完路人甲就做駕駛者啦~ 今次就學司機叔叔咁,睇交通燈駕車!

完成後，兒童可獲得證書以示獎勵

3)BMW小小工程師: 為立體的 BMW 模型車上塗上顏色，發揮無窮創意。

4)BMW兒童遙控車競賽: 小朋友可操控 BMW 遙控車於特製賽道上馳騁
這2個區anson都係太細了,未係好識現,所以無同佢排隊玩了~ (希望下年有機會同佢再去啦~)

之後行過可以同警犬影相,不過anson見隻狗太大隻唔肯過去影
之後仲有表演睇添~

再行過d,見到仲有車車駕駛! (不過只可以比小朋友坐,大人唔坐得嫁!)
不過anson一d都唔驚仲玩得好開心添~

anson的新單車

anson部bb單車都就來唔啱踏了,而佢又見有同學仔有新單車,

都同我地講左好幾次想買新單車.

咁上個星期日papa同mama同anson去左睇單車

已經同anson講明要睇下先,未必買到嫁,

而anson都好乖係吉吉島同反斗城睇左無買都無扭計.

之後返左屋企訓覺,訓醒就去屋企附近既單車鋪再睇單車.

anson之前話想買mickey單車的.

點知anson去到單車店,乜野牌都唔理了!

只係話要買單車,初初踩佢都就住,點知踩多2踩就自己踩走左!

仲越踩越快,叫都叫唔住呀!

我地見吉吉島同反斗城12轆要$599,

單車鋪都唔平12吋轆$539,14吋轆$589,

見14吋轆anson都踩到,買左14吋轆囉!

(papa話d料同車轆靚過吉吉島同玩具反斗城個d~)

不過講左價都要$550呀!個老闆仲送左支珍寶珠比anson添~

花園街車仔當bb衫$5件咋~

今日係花園街車仔當買bb衫!
牌子carter's全部$5件，真係忍唔住手！
買左2件夾衣(nb,6個月),3條褲(3,6,9月各1條),1件底衫仔(6個月),1件薄外套(3個月)
不過要好有心機找！(通常nb-6個月最多,9-18個月要慢慢找)
遲下又去睇下有無新貨再入~

回到家的感覺真好

剛剛既星期一終於回家了~回到家的感覺真好!

anson見到papa仲同papa講好掛住佢添.

papa之前食晒私家醫生既藥,而水痘都好返7788

於是papa就去睇政府門診,諗住比醫生睇下d水痘點啦,好晒未.

去到登記同人講有水痘,個到d人勁緊張.

papa即刻比人帶左去特別治療室,

仲有專人服侍,之後醫生仲穿晒衫+口罩去睇佢添!

(papa講得好誇張嫁,笑到我CC下)

不過d人成日話出水痘,好癢,連醫生都咁講嫁!

但papa話佢又無乜癢喎! 我估papa應該係另類人士...
 

話咁快anson就放完新年假,1/2開學了~

不過朝朝就唔願起身,成日話好眼訓

而最近落公園玩,有個姐姐甩左鞋帶

anson又懶熱心話要幫人綁鞋帶喎!(其實佢唔識綁嫁)

遲下都要教下anson綁鞋帶先~