大眼妹?

去完健康院醫生話黃已經降到落去安全水平，唔洗再去健康院睇黃啦！
體重照完燈3.28kg到今日磅3.4kg,醫生知我無比人奶bb食，即刻比醫生罵><
過多幾日先慢慢補返人奶比細妹食先~
細妹唔知點解一出世個嘴就2節色?
問過醫院同健康院都係話細妹嘴乾,無野喎! (都唔知係唔係既?)

細妹依家食奶都好準時,就夠鍾已經嘈住要食!
不過用B-FREE奶樽食得麻麻地,食到咁上下就一路食一路吐返D出來~
唔夠ANSON個時食得咁好!
依家泵奶,MAMA好多時都泵到120-160ML不等,希望KEEP到次次都泵到咁多啦


之前有左細妹一直都無打到BLOG,真係唔好意思呀!
其實2010年時發現有左,預產期係2011年6月,點知2010年11月就小X左...
緣分真係好奇妙,2011年6月原來小B又靜悄悄地回到我的身邊~
所以今次有左都決定低調,只係朋友見到先至講咋!

細妹入院照燈

B女由出院之後都食人奶為主,
只係夜晚間唔中補1-2餐奶粉

由出世時3.23kg,到20/3回健康院時3.14kg,24/3再磅已經去返3.3kg
(醫生都話重得好好)

不過原來人奶B退黃退得慢d,無奶粉B咁快...

24/3入院時黃度去到284 (醫生話over 250度就要入院照燈)

而且上網見有d全人奶B,出左院又再黃又要再入院再照燈!

見到真係怕怕...

等bb出左院決定比奶粉佢食住先,等d黃退晒先轉返人奶,雖然好可惜,不過都唔想bb成日出入醫院呀!

依家為有泵多d keep住d奶量啦 

ANSON與妹妹

終於都抽到小小時間寫BLOG了~
由於生anson時,媽媽係屯門醫院係開刀既,所以今次生細妹醫生就比我選擇可以開刀/試順產
最後媽媽決定都係開刀!

12/3 - 要一早入院見醫生+入產前病房準備明日開刀 (當晚12:00後就唔可以食野+飲水)

13/3 - 要開刀了,雖然係第2次生B,不過都好緊張呀!
今次生完B之後初初都比較辛苦,有可能D麻醉藥----成日想嘔+頭暈,要到第2日先好D
不過今次未夠24HOURS,已經有能力下床,而且比生ANOSN時行得快左同好似康復得快添~

好在我早幾日入院咋!到我出院時D產前產後房已經爆晒要開摺床添呀!

出左院之後就回家見ANSON,成個星期無見個囝,真係掛到我CC下
ANSON一見細妹就話要抱佢,又話要餵佢食奶添~

返到屋企真係一腳踢,又要泵奶,換片,洗奶樽...
ANSON PAPA & 奶奶分別同細妹換片,換到漏尿,又要我收拾同細妹換衫
不過第2日媽媽+細妹就去左婆婆家坐月了!
(如果係自己屋企坐老爺奶奶成日上來我會癲嫁)

依家細妹都主要係食人奶,每餐90-100ML  (媽媽泵完放係樽到,係夜晚訓左泵唔切個2餐就會食奶粉)
唔訓覺時仲識得扭人抱添~
媽媽最煩既係同妹妹改名,真係諗到頭爆,叫PAPA幫手諗,佢又好似懶懶閒咁...

妹妹出世了

今日妹妹出世了, 重3.23kg

至愛新單車

自從anson換左新單車後,每次落樓下公園玩都要帶埋單車落去! 

仲要係直路時越踩越快,唔洗等埋papa mama.
依家部單車anson已經控制好好了!

papa話等anson 2隻腳坐係單車到,都點到地就同佢拆左個輔助轆.
到時唔知anson又肯唔肯呢?