小蜜蜂宣誓及親子運動日@K2

Anson學校一年一渡既親子運動日又來啦~

今次仲連埋小蜜蜂宣誓一齊舉辦添!

Mama今次仲帶埋Alison一齊出席anson既學校活動.

今次anson學校向某一間小學借禮堂攪運動會

咁就唔洗曬住玩,very good呀~

首先係小蜜蜂宣誓儀式

Alison就無時停,好在奶奶來左幫手

如果唔係就無得同anson玩親子遊戲嫁啦!

之後學校又頒發聖誕&復活節親子設計比賽優異獎

Mama都得左獎呀~

頒獎後,估唔到會有隻kawaii公仔走出來同大家玩遊戲同影相

一共玩左4個親子遊戲

由於k1-k3太多人,學校一共分左(1A-1G),(2A-2G),(3A-3G)隊玩

其實都唔係郁好多,不過唔知點解自己已經覺得好累,成個散左咁...

Alison係運動會中途訓左,係完結時先醒返咋!

放左學就同d mama們一齊去飲茶

Alison都食左好多野,個個mama都話佢好有食力!

仲成日叫佢做大隻妹添.

媽媽咪咪嘉年華2013

早前復活節去左掘蛋,Anson抽到一套"媽媽咪咪嘉年華"入場卷

於是係母親節就一齊去玩啦~

可能今次地點係機場博覽館,唔係太多人,好好行

一入場就有人送花(係比Mama嫁)~ 母親節嘛

同Alison參加左 "童樂Push & Ride"

即係推豬仔車比賽,首先推車仔去對面

Alison都推得好快

之後要坐返部車過去先為之完成

可惜Alison仲未識咁玩,最後要Mama推佢返終點來完成比賽

我地又去左寫超級巨型挑戰世界紀錄母親節祝福賀卡

齊齊挑戰世界紀錄

動感模擬懷孕過程全體驗 : 

由日本直送既「3D動感模擬懷孕裝置」，

可以親身體驗十月懷胎的滋味

可惜Papa唔肯玩,真係好想佢體驗下陀BB既滋味

場內本身仲有好多攤位嫁! 

例如: 胎兒心跳錄音,安心分娩產房,整BB掌印,爬行比賽等等...

同場仲有好多吹氣彈床,滑梯比小朋友玩添~

Anson玩得勁開心

 

[高脂物體Family] 已經登陸左Facebook 專頁

未Like既快d去Like---> 高脂物體Family啦~

http://www.facebook.com/ansonyalison

HOFEX2013 - 試食篇

第一日正式展覽, 人流非常疏落, 冇咩好做之際, 就到附近參觀吓啦

係正我地前面得檔買餅既同買老人家食品, 無咩特別, 再行前一檔不得了囉

放哂d壽司係到俾人試食, 仲要係好靚吓既油金魚壽司, 下面張相係我第二日既早餐

同平時冇咩機會食到既魚子壽司 (不知名魚), 鮮甜後苦既, 怪得之香港冇機會食啦

間野仲有好多唔同款的壽司架, 不過通常都幾多人排隊, 所以之後都冇咩機會試食囉

但係完來日本野個老闆同我地個老闆係friend 底, 去到第三日成盤咁拎過嚟比我地食, 正~

last day又親早上冇咩人又數多兩轉, 分別係完條魷魚仔同大大舊吞拿魚

日本檔係我最欣賞亦都係食得最多的一個攤位
之後第二檔我最欣賞既就係意大利區既其中一個攤位

成條事都好有型, 先見到一個鬼佬廚師(唔型的), 放咗個巨型芝士係到

之後倒d 酒精係個芝士上面再點火喎, 攪到個芝士著哂火, 又睇到d人嘩嘩聲

更精彩既係, 廚師竟然係火光紅紅的芝士上面炒飯啊 真係做show 咁做比你睇

事成之後, 試食之際又變咗另一回事, 由著哂火既芝士上面炒完既飯竟然冇芝士味

因為已經比濃濃的黑松露醬蓋過了, 好食到冇野講

第三野食品本來都覺得好精彩, 食完之後就扣哂分

依個係yogurt 店既出品, 先用一個麵包界開, 放d yogurt 落去, 再放入一部機到加熱

變為一個飛碟物體, 不過係肥版飛碟囉

食落並不如相象中吸引, 本身個飽已經唔軟熟, 似隔夜麵包, 加上yogurt 既酸味

另佢更似一個隔夜並變壞咗既麵包

其實仲有好多好野食, 講唔哂亦都食唔哂

例如食開既生蠔, 即片的ham, 無數咁多既雪糕

仲有d 攪到成間餐廳咁, 坐底落order再煎條排俾你試

仲有幾間扮到成間bar 咁係到試酒

下次有機會一定要再去, 行足一日, 試足一日

HOFEX 2013 - 簡介篇

唔知點解入咗間新公司做行政多過做會計
又唔知點解俾公司安排咗去一個展覽會幫手,
仲要個TITLE 變為GRAPHIC DESIGNER
去個日連展覽會個名都唔知的情況下, 竟然有SURPRISE, 仲要係大驚喜

原來我今次有份參與的係HOFEX 2013,
(亞洲國際食品及飲料、餐飲設備、供應及科技展覽會)兩年先會係香港舉行一次,

 
我岩岩先入職兩個月都有份參與, 都算係好彩,
唔多駛做之餘仲可以周圍試食,
講係試食大家可能會想係美食博覽或工展會的情景我就對個D 試食非常不感興趣啦,
排我10分鐘先食到一杯仔即食麵或者半條腸仔,認真想死!
HOFEX 同樣係試食, 完全高幾班
只係排幾個人就有即開生蠔,  即片的HAM, 即煎的牛排,
勁正的蛋糕雪糕成杯咁上
試食之餘仲有SHOW睇

廚藝比賽, COFFEE 拉花比賽,不過可惜冇咩時間睇

仲有D 展覽商既攤位都整得勁靚, 只係睇佢地既DESIGN 已經覺得好正

同場加影, 竟然有個榴槤商會, 好彩冇試食啫~~