Anson早在一歲時係健康院打左MMR (麻疹、腮腺炎、徳國麻疹)
之後再係私家醫生到打水痘針既,因當時都未有MMRV(4痘針)
而Alison係12個月時打左1次MMRV (麻疹、腮腺炎、徳國麻疹+水痘)
見Alison又要打第2支4痘,就順便帶埋Anson一齊去打埋啦!
打完到小一個支都唔洗再打針啦~
去到診所打針2個都好乖,anson打手無喊過
Alison打大脾都只係叫左一聲咁多多
打完針姑娘請食糖又乜事都無了!
醫生話5-12日內都有機會發燒/出疹,希望唔好啦~
雖然2個洗左我$1400,不過打少幾針都值既!
MMRV(4痘針)係D乜?
現時政府的免疫接種計劃中，雖已包括麻疹、流行性腮腺炎及德國麻疹疫苗 (即MMR)，
但不包括水痘疫苗，故家長需帶孩子到私家診所多打2針，而且最近水痘針仲成日無貨添!
計算起來若選共2針劑的4痘預防疫苗，便可以少打2針。
4痘預防疫苗，只要接種2針劑，便可以一併預防這四種疾病。
12個月大至15個月大完成2針劑，便能產生99.8%免疫反應，
而已接種一劑水痘疫苗的學童，亦可於入讀小一前補多支四痘疫苗加強劑
早前Mama買左隻學習杯比alison比佢學下飲水
anson細個用既combi要成$140,太貴了!
所以買另一隻牌子Richell試下,點知勁漏水囉,
alison本身飲水已經一路飲一路吐,佢仲專登倒轉隻杯仲漏到好似落雨咁,
有時覺得BB野都幾呃$$$
Mama直頭買d普通野比alison算,反正佢都飲到
alison亦愛上左自己食飯,係都要自己攞匙食!
雖然食到周圍係,不過見佢好enjoy,都係時候要學下自己食嫁啦~
返親屋企,如果天氣好都會帶anson & alison落公園玩下!
alison每次知道落街玩就超開心~
仲自動自覺走去着鞋添!
依家每次alison一聽到我地話落街,佢就會指住,要帶單車
佢以為我地又落公園玩囉,我地話唔帶單車,佢就會喊!
好在落到街佢又無左件事姐
上星期anson係畫班做比papa既父親節禮物
好得意呢~不過畫畫老師就話anson鐘意畫畫多過做勞作囉!
來緊anson就要選小學啦!
知道anson得15分第一輪都係無行嫁啦!
開始又要參觀小學,諗定大抽獎點排位,又要整定profile...
[高脂物體Family] 已經登陸左Facebook 專頁
最近都無乜特別野發生,
逢星期六都係去樓下公園玩咁啦~
ALISON每次經過公園都會好興奮咁指住,要去玩嫁!
如果下星期好天,希望可以帶2個一齊去泳池游水
我相信ALISON應該會鐘意的
每個星期六日朝早,妹妹一起身就要走去找ANSON
就算ANSON未身起,ALISON都會拍醒ANSON先肯罷休
2個一起身又會攬埋一舊,又互相錫下先安樂
唔好睇佢地好似好相親相愛,
佢地2個都成日爭玩具嫁!
係6月頭ALISON去左上英文PLAYGROUP試堂
唉!每次見到個外籍阿SIR都喊,試堂當日仲唔肯落地抱足成堂...
希望到7月正式上堂時會好D啦~
本身個外籍阿SIR都教緊ANSON (都學左有2年了)
平時ANSON自己入去上堂,我都唔知佢識唔識既?
係ALISON試堂當日由於我地早左到,
見到阿SIR問ANSON野,又叫佢幫手整野,
ANSON又聽得明又識得應阿SIR喎!真係估佢唔到呢!
依家畫畫都學左大半年有多,希望可以KEEP住啦~.gif)
有一日放工返屋企ANSON寫自己個名比我睇
其實我地無教左佢嫁!
佢話學校教,而且佢係學校都有練習,
仲問我點解佢姓黎,咁多筆劃,咁難寫喎.gif)
不過ANSON寫字真係好求期囉! (連學校老師都咁講.gif)
)
暑假已經同佢報左寫字班,希望可以寫好D!
[高脂物體Family] 已經登陸左Facebook 專頁
