Pages

2014年4月7日星期一

ANSON 畢業典禮@disney

話咁快ANSON 已經過咗4年幼稚園生活(N1-K3), 
學校安排咗個迪士尼畢業禮俾同學仔去玩, 
佢地就玩得開心, 一眾家長就玩到殘哂, 
唔講唔知, ANSON 都係第一次入迪士尼玩咋

學校安排都幾好, 行程可以玩足一日, 沒有浪費半點時間

早上八時係學校集合, 以半小時作短暫講解及派發門票等

之後就即時上車出發, 9點左右已經到迪士尼

仲有大把時間俾我地係門口影相合照


 10點正準時入內準行拍照, 一小時唔駛攪點哂所有野, 
不過班小朋友影相唔知點解冇咩表情

唔知係唔係見到MICKEY太緊張


影完相都未夠11點, 而阿妹亦都係個刻加入行程

仲呆居居咁一齊影團體相添~

等影相期間Alison係到玩手指

第一個玩既GAME 係小小世界
 
ANSON 就望得好開心, ALISON 就話驚驚
之後就同ANSON 玩SPACE MOUNTAIN, 
初時我都唔知以為係低能板過山車, 
原來都幾快, 加上勁黑所以今次到ANSON 話驚驚

 玩咗陣就開餐啦, 老師仲幫我地罷定位添, 
食物方面學校安排咗一個兒童餐俾小朋友, 
質素只可以說普通, 而alison 又開動佢既小型墳化爐

係咁係到食食食, 之後alison仲優先同校長打個招呼, 
同校長單聲Alison今年會去報K1

食完當然繼續玩玩玩啦

 大部份的遊戲都唔多人排隊,
 巴斯光年更係可以直入任玩


 印象最深刻係3D 影院, 肯定係我睇過最立體的影片, 
立體到好似企係你鼻哥前面咁, 
普通戲院個D 3D完全冇得比

森林河流之類係另一個另anson 驚既game

 不過制作真係幾迫真, 出哂煙咁, 難怪anson 會驚既

 最多人排係馳車天地, 不過都係排20分鐘左右,
 papa 好耐冇揸過車, 呔盤一係手, 車神上身

其實仲玩左Winnie the pooh,坐迴轉木馬,
不過無影到相呢~
之後妹妹同我地乖乖地一齊坐定定睇巡遊

妹妹一D 都唔驚, 仲同D 公仔SAY HELLO 添

睇完巡遊之後, 妹妹同部份同學仔先行回家, 
anson 就繼續玩玩玩, 因為人小的關係, 
最小玩多4-5個game, 再食埋飯先睇煙花

迪士尼d 煙花真係靚過年年都係維港放個d 煙花, 
可能比較近呱

快樂之旅話咁快就完結了!
唔止Anson,連Alison都成日話要再去Disney找米奇老鼠呢~


高脂物體 Facebookhttps://www.facebook.com/ansonyalison
Sina Blogangelayanson.mysinablog.com/index.php

2014年4月2日星期三

利小館@vcity

唔知從幾時開始, 好多食店的出品都走向精緻化, 
其實衰D 講就係改細D 碟頭, 之前小南國, 金舌燒烤已經中過招,
 眼看餐牌幾十蚊唔多貴, 點知叫咗幾碟菜都唔知食咗咩, 
金舌問題最嚴重,接近一百蚊得幾件超簿切普通牛肉, 
叫兩三碟都未夠ANSON食,唔好講大人, 
3個人要食得飽除時要叫十幾碟, 計落去貴過食BUFFET, 
個杯230ML 啤酒更加唔知佢想點!!

 入番正題今次試的利小館原本好大期望, 點知味道一般之餘, 
仲要走精緻路線, 應該都冇下次, 
先嚟一個燒肉, 俾佢嚇親,  得9件迷你SIZE, 
唔係ANSON點錯介辣, 我應該冇得食,件燒肉只取最面個三層精華,
 故非常之薄, 大約得1CM 厚, 除了外皮真係好脆之外, 無什可取, 
燒肉還是大大舊的好食

 舊燒肉細D之外, 其他菜的SIZE都正常番小小, 
不過都係偏細碟大概係1.5 - 2人份量左右啦~
再嚟燒龍蝦, 半隻$68,  燒得好香, 而且冇燒到干哂身, 
應該落咗D 汁料一齊燒, 推介, 不過只限特價時段, 原價$98就唔抵食啦~


龍蝦湯豬排烏冬, 龍蝦味都算有, 不過同烏冬原來並唔夾, 
就算條烏冬佔滿哂龍蝦湯汁都只食到烏冬味, 都係配番意份好D, 

再講豬排, 炸得好靚, 好香脆, 不過又係衰係簿切, 除咗脆之外都係無乜可取, 
都係個句, 肉還是大大舊的好食


ANSON 已經領略到小籠包的精髓, 就係入面個湯,
 佢作為一個小食家, 佢會先啜哂入面D湯先, 之後佢好滿足咁話好好味啊,
 佢又食咗兩隻, 的確湯真係好鮮甜, 唔係得個喊字, 而且湯汁勁多, 絕對唔錯
 
之後飲既豬肺湯都唔錯, 相比其他菜算抵飲, 
湯料有三大舊豬肺, 二隻雞腳同D 雪耳雪梨咁, 湯大概有三碗仔,
 似屋企煲個D 老火湯

最後仲有一個荷葉飯, 失敗之作, 過喊而且冇荷葉的香味

到家陣為止VCITY 試咗4間食店, 4間都唔多得, 
間羅麥記仲要永久BAD LIST 添, 點解屯門唔似元朗咁多好野食嫁~


高脂物體 Facebookhttps://www.facebook.com/ansonyalison
Sina Blogangelayanson.mysinablog.com/index.php

2014年4月1日星期二

曹公潭親子旅行 @ K3

要追Blog啦!一係無野寫,一係就節目多到寫唔切~
最近Anson學校旅行又影畢業相,忙到爆呀!

話說anson學校既親子旅行同去Disney影畢業相只相差一星期,
我地識既Mama好多都唔去,不過話晒都係anson K3最後一次旅行,
而且唔去旅行係爺爺嫲嫲到佢都無所事事嫁啦!
所以媽媽都請假同佢去學校旅行

其實當初收到通告見到去曹公潭
心諗: 又去 N1咪去過囉!
不過去到anson已經唔記得自己細過時去過

今次去比N1個時多d野啱佢玩,有golf

攀石

單車 (4個轆對佢來講easy job啦)

仲越來越大膽,爬上去一d都唔驚



飯後到體育館集合同老師同學大玩集體遊戲

其中一個遊戲係砌字
下面3個小朋友砌: C A T (似嗎?) 佢地個樣幾無奈!

之後就回程返屋企囉!Mama又散晒...


高脂物體 Facebookhttps://www.facebook.com/ansonyalison
Sina Blogangelayanson.mysinablog.com/index.php

2014年3月25日星期二

探索科學 魔法之旅 @ 香港科學園

香港科學園是一個以高科技及應用科技為主題的研究基地。
除左辦公室外原來亦是假日好去處。
 科學園仲周不時舉辦一d特別既假日活動。
活動除左適合一家大細外,小朋友亦可透過活動認識更多不同既新事物。

先講科學園一向都有既活動先啦:「科學探索行」
園內設有不同展覽館。
包括:綠環館、物聯網中心、高錕教授:光纖通訊之父展覽廳及科技寰宇。

我地今次去左比較啱6-12歲小朋友既科技寰宇 -奇趣館到參觀

導賞員先以深入淺出的方式介紹場內各項展品及技術背後的概念,
介紹完小朋友就即刻四散試玩。

場內設有多個生動有趣的互動遊戲

貓貓耳: 原來係探測情緒。
導賞員姐姐話anson好開心喎,因為anson帶上後隻貓耳係咁郁

睇落係咪好好玩呢?今次我地以輕鬆互動的形式探索科學,體驗箇中樂趣。
小朋友有無增加到科學知識?我就唔知,只知道佢地玩到唔捨得走囉!

原來「科學探索行」平時都開放比公眾參觀,費用全免,預約參加就得嫁啦~
仲好多學校都會安排學生去參觀添!
預約參觀


今次同ANSON去科學園既「科學探索行」玩之外,我地仲去左睇魔術表演。
由3月16日開始至4月21日,逢星期日及公眾假期,
香港科學園舉辦名為「探索科學‧魔法之旅」的活動

活動節目非常豐富~

費用﹕每位港幣$20 包魔術表演+魔術攤位遊戲
(估唔到咁快所有場次既飛已經SOLD OUT)


場內設有魔術遊戲攤位

活動邀請了本地實力派魔術師,在金蛋裡表演魔術,欣賞一連串有關科學的精彩魔術


睇完魔術表演仲有百變氣球派發

我地仲參與左魔幻科學工作坊,
魔術師仲即場拆解魔術背後科學原理,ANSON仲學做小小魔術師!

除左小朋友玩得開心


大朋友都玩得好投入...

學完魔術再出室外有Anson至愛既奇妙彈彈床
(唔洗飛嫁,排隊就玩得)


仲有大型氣球魔法陣,魔術道具大賣町,巨型魔術師園區捉迷藏等等。
不過我地都唔夠時間玩唔晒呀,下次有機會一定再去玩過~


香港科學園成日都會舉辦不同活動嫁,記得留意啦!


高脂物體 Facebookhttps://www.facebook.com/ansonyalison
Sina Blogangelayanson.mysinablog.com/index.php